Ekzekutimi i Kasmit, krimi mafioz që mund të zbardhë dy vrasjet e tjera të bujshme

Kliko per me shume info

Detaje të reja bëhen me dije nga mediat greke lidhur me Efthymiou Efthymious, të arrestuar dhe të lënë sot në arrest me burg pasi akuzohet si ekzekutori i Devi Kasmit.

Sipas medieve helene, vrasja në Tiranë lidhet edhe dy ekzekutime të tjera që kanë ndodhur në Athinë në vitin 2016, katër vite pas përjashtimit të 42-vjeçarit nga Arta nga forcat speciale të policisë helene.

Kliko per me shume info

Sipas medieve greke, Efthymious kishte arritur që të afrohej me Devi Kasmin dhe më vonë e ekzekutoi bashkë me bashkëpunëtorë shqiptarë për llogari të një personi tjetër. Ky i fundit kishte me Kasmin konflikt në kontrollin e trafikut të drogës në Europë.

Sipas të njëjtave burime, policia greke ka kërkuar sa më shumë informacione nga homologët shqiptarë, pasi është përqendruar në zbardhjen e dy vrasjeve që ndodhën në Athinë në vitin 2016. Një biznesmen grek, pronari i një lokali nate, i dënuar më parë për trafik kokaine u ekzekutua. Të njëjtin fat kishte edhe një shqiptar në Kypseli (Athinë). Të dy viktimat raportohet se kishin lidhje me organizatën e Kasmit.

Tashmë, janë krijuar dyshime të forta se Efthymious ka gisht edhe në këto dy krime. Nuk përjashtohet që ditët në vijim, një ekip i policisë greke të vijë në Shqipëri.

1 COMMENT

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.