Cmenduri në autostradë, shoferi ecën me 219 km/orë, policia vendos 898 gjoba

Kliko per me shume info

Policia Rrugore e Tiranës eshte angazhuar për të parandaluar aksidentet rrugore duke sjellë në këtë mënyrë rritjen e parametrave të sigurisë së jetës në rrugë.

Në përmbushje të objektivit parësor për rritjen e parametrave të sigurisë së jetës në rrugë dhe jo atë të sasisë së masave administrative, nën moton “Alkooli dhe Shpejtësia marrin jetë”, gjatë fundjavës policia tha se ka ushtruar një sërë kontrollesh në autostradë dhe në akset rrugore në brendësi të Tiranës.

Kliko per me shume info

Policia Rrugore e Tiranës, ka ushtruar kontrolle me Radar për të matur shpejtësinë e lëvizjes, ndëshkimin e atyre që qarkullojnë me shpejtësi tej normave të lejuara, dy apo tre herë më shumë se limiti i lejuar, të cilët janë burim aksidenti, rrezik për jetën e tyre dhe të përdoruesve të rrugës.

Në të gjitha rrugët e Tiranës janë ushtruar kontrolle me Drager, për të evidentuar dhe ndëshkuar ata drejtues mjetesh që drejtojnë mjetin nën efektin e alkoolit apo më keq akoma, në gjendje të dehur, duke u kthyer në rrezik për jetën e tyre dhe të përdoruesve të rrugës.

Aksioni i policise rrugore ne Tirane

Aksioni i policise rrugore ne Tirane / Cmenduri në autostradë, shoferi ecën me 219 km/orë, policia vendos 898 gjoba: lajmifundit.al

Posted by LajmiFundit.al on Sonntag, 11. Februar 2018

Gjatë 48 orëve të fundit, janë arrestuar në flagrancë 10 drejtues mjetesh që drejtonin mjetin në gjendje të dehur, ku nga alkool testet ka rezultuar se sasia e alkoolit të kosumuar varionte nga 0.56 mg/l deri në 1.29 mg/l.

Si dhe një drejtues mjeti i pa paisur me Leje Drejtimi.

Janë tërhequr 89 Leje drejtimi , nga këto:

29 Leje Drejtimi për drejtim mjeti nën efektin e alkoolit, që varionte nga 0.22mg/l deri në 0.49 mg/l

47 Leje Drejtimi për drejtim mjeti me shpejtësi tej normave të lejuara, si në autostradë ashtu edhe në qendrat e banuara brenda qytetit të Tiranës, shpejtësi që varionin në autostradë deri në 219 km/orë dhe në qendrat e banuara deri në 106 km/orë .

13 Leje Drejtimi për shkelje të tjera të parashikuara nga Kodi Rrugor.

Po gjatë 48 orëve të fundit, Policia Rrugore ka ushtruar kontrolle edhe në evidentimin dhe ndëshkimin e atyre drejtuesve që nuk respektojnë rregullat e qarkullimit rrugor ku janë vendosur gjithësej 898 masa adminsitrative, nga këto:

• 87 masa për mospërdorim të rripit të sigurimit

• 85 masa për parakalim të gabuar

• 98 masa për përdorim të celularit gjatë drejtimit të automjetit

• 10 masa për mosrespektim të sinjalistikës së semaforit

• 60 masa për ata që qarkullojnë pa kaskë mbrojtëse si dhe 11 pa kontroll teknik të mjetit

• 568 masa për shkelje të tjera të Kodit Rrugor.

Janë bllokuar dhe 9 mjete për mosshlyerje të masave administrative mbi 5 masa a adminsitrative.

Policia Rrugore e Tiranës, edhe në ditët në vijim, do vijojë kontrollet me intensitet, për të evidentuar dhe ndëshkuar çdo shkelës të Kodit Rrugor, për të përmbushur objektivin parësor, atë të rritjes së parametrave të sigurisë së jetës në rrugë .

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.