Përmbytet anija-cisternë iraniane, ska shpresë për gjetjen e të mbijetuarve

Bota

Anija-cisternë iraniane, që ishte duke u djegur për më shumë se një javë, pasi ishte përplasur me një anije kineze në Detin lindor të Kinës, është përmbytur, pasi ka lëvizur në jug-lindje të Japonisë.

Televizioni shtetëror kinez, ka raportuar, se anija është zhytur në ujë, pak kohë pasi një tjetër pjesë e ngarkesës “ishte ndezur papritur”, në mëngjesin e ditës së sotme.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në anën tjetër, zyrtarët iranianë kanë thënë se “nuk ka shpresë për gjetjen e të mbijetuarve në mesin e anëtarëve të bordit”.

Zëdhënësi iranian për shpëtim, Mohammad Rastad, e ka bërë këtë njoftim pasi është përmbytur anija.

Në këtë anijë ishin 30 iranianë dhe dy persona nga Bangladeshi.

Përplasja ka ndodhur më 6 janar në bregun lindor të Kinës, afër Shangait.

Anija Sanchi, e cila ishte pronë e National Iranian Tanker Co, ishte duke transportuar një sasi të madhe të lëndëve djegëse, duke përfshirë ato të lehta, të ndezshme dhe ekspozive drejt Koresë Jugore .

ME TE LEXUARAT