Këto janë dy veprimet e menjëhershme që duhet të bëni në rast se po kaloni një krizë takikardie

Soft

Takikardia është një prej sëmundjeve më të shpeshta të zemrës,e cila mund të shpjerë në komplikacione të tjera të sistemit kardiovaskular.

Rritja e shpejtë e rrahjeve të zemrës tejkalon ritmin kardiak të zakonshëm, që i bie 100 rrahje për minutë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Disa nga shkaqet e shtimit të takikardisë janë abuzimi me pijet alkoolike dhe substancat stimulese si ekstazia, përdorimi i drogërave të lehta dhe medikamenenteve të ndryshme, reaksioni alergjik pas konsumit të pijeve me përmbajtje kafeine si kafeja, çaji apo pijet energjike etj.

Por jo më të rralla mbeten rastet kur takikardia ndodh si pasojë e problematikave shëndetësore si çrregullimet e gjendrës tiroide, ethet, ankthi apo dehidratimi. Në rast se dikush pranë jush po kalon një krizë takikardie ose jeni ju vetë që po e përjetoni, këto janë dy veprimet e menjëhershme që duhet të bëni pa humbur kohë.

1.Zhysni fytyrën në një enë me ujë të ftohtë dhe akull

Në një enë të çfarëdoshme shtoni ujë të ftohtë me akull, sa më i ftohtë të jetë uji, aq më mirë është. Mbani frymën për pak sekonda dhe zhysni fytyrën brenda në enë. Kontakti i trupit me temperaturën e ftohtë të ujit ndikon në ngadalësimin e menjëhershëm të rrahjeve të zemrës.

2.Mbani frymën për pak sekonda

Metoda e mësipërme ndikon menjëherë në nervin vagus, i cili kontrollon ritmin kardiak. Merrni frymë thellë dhe me antë gishtit të madh dhe atij tregues shtypni hundën, duke mbyllur gojën dhe sytë. Bëni këtë veprim për pak sekonda dhe sforconi muskujt e barkut.

Shënim: Asnjë nga metodat e përshkruara më sipër nuk duhet të përdoret kur takikardia shoqërohet me dhimbje të forta të gjoksit ose me një ndjenjë të mprehtë të mungesës së ajrit. Në raste të tilla, e vetmja rrugëdalje nga situata është të thërrinsni mjekun.

ME TE LEXUARAT