Xhenova, kapen dy shqiptarë, sekuestrohen 75 kg kokainë

Aktualitet
Xhenova, kapen dy shqiptarë, sekuestrohen 75 kg kokainë

https://youtu.be/g9fyB2wK0iI

Dy shqiptarë kanë përfunduar në pranga në Itali, në vazhdën e një operacioni blic që përfundoi me sekuestrimin e 75 kilogramë kokainë në Portin e Xhenovës, nga ku do të shpërndahej më pas në vende të tjera europiane.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Besnik Dauti, 38 vjeç, dhe Artur Mahmutaj, 37 vjeç, dyshohet të jenë krerët e bandës së narkotrafikut të shkatërruar nga autoritetet italiane.

Prapa hekurave ka përfunduar edhe bashkëpunëtori i shqiptarëve, Carmelo Rao, i cili ishte edhe personi i ngarkuar me transportimin e drogës.

Por ata kishin edhe një person që i ndihmonte në port, punonjësin 45-vjeçar Massimo Rocca, i bllokuar nga “Guardia di Finanza” pasi u tradhtua, ashtu si pjesa tjetër e grupit, nga përgjimi i bisedave.

Ishin pikërisht përgjimet ato që çuan në zbulimin dhe dokumentimin e të gjithë aktivitetit kriminal të bandës. Kjo nuk është hera e parë, që punonjës portualë në Itali përfundojnë në telashe për shkak të historive të narkotrafikut.

Në periudhën e viteve 2014-2016, tri operacione të “Guardia di Finanza”-s, të koordinuara nga Drejtoria Rajonale e Antimafias, kishin dëshmuar rekrutimin e punonjësve “jobesnikë” nga bosët kalabrezë.

Ata vepruan pa dijeninë e kompanisë qëndrore portuale, duke ndihmuar në kalimin e ngarkesave të drogës nëpër kontenierë. Në vazhdën e këtyre operacioneve ishte arritur të konfiskoheshin 600 kg kokainë e pastër.

ME TE LEXUARAT