“Ç’bënte Taulant Balla në Rumani me një nga të akuzuarit e Elbasanit?”

Kreu i PD-së Lulzim Basha nga foltorja e parlamentit tha sot se kreu i grupit parlamentar të Partisë Socialiste, Taulant Balla është në hetim për pastrim parash.

Gjatë fjalës së tij, Basha iu drejtua Ramës duke e pyetur nëse ka dijeni që deputeti i tij para një muaji ka qenë në Rumani me një prej personave të akuzuar nga Prokuroria e Elbasanit.

Kliko per me shume info

“Mjafton të kishe pyetur Drejtorin tënd të Policisë se ç’ka bërë ky para një muaji me një nga të akuzuarit zyrtarisht nga Prokuroria e Elbasanit në Rumani”, tha Basha në Parlament duke iu referuar Taulant Ballës.

Basha u tregua shumë i rezervuar në dhënien e informacioneve.

Basha nuk sqaroi nëse personi që ka qenë i shoqëruar në Rumani me Taulant Ballën është njëri nga të akuzuarit në Elbasan për çështjen e Orest Sotës apo ka lidhje me ngjarjen e 18 Shtatorit ku u godit makina e ish-drejtorit të Policisë së Elbasanit.

LEAVE A REPLY

Please enter your comment!
Please enter your name here