Politika fut në depresion biznesin/ Sipërmarrësit frenojnë investimet

Organizatat e biznesit pohojnë se ngjarjet e fundit me krimin e organizuar dhe planet për vetting-un po pengojnë planet e biznesit për të investuar.
Nga ana tjetër, rënia e konsumit prej rritjes së taksave duket se është një arsye tjetër madhore që ka dhënë efekte zinxhir, duke i bërë investimet jo të frytshme në disa sektorë. Bizneset, apel politikës: Stop retorikës politike, rishikoni platformën për ekonominë.

Blerina Hoxha

Kliko per me shume info

Të pamotivuar për të investuar korporatat, shqiptare po rrisin me shpejtësi kursimet në banka. Në një situatë normale, ngurtësimi i fitimeve në depozita me afat është zgjidhja e fundit për një biznes, për tepër në një moment kur interesat në banka janë shumë disfavorizuese.
Banka e Shqipërisë ka raportuar se në fund të 9-mujorit, rritja vjetore e depozitave të biznesit në banka ishte 22%, ndërsa në krahasim me vitin 2013, ato u rritën me 80%.

Stoku total i depozitave të bizneseve (korporatave jofinanciare) arriti në 142 miliardë lekë, apo rreth 1 miliard euro. Nga ana tjetër, interesat e kursimeve në lekë shënuan rënie të mëtejshme në tremujorin e tretë, duke arritur në nivelin 0.8%, ndërsa norma bazë e interesit është në minimumin historik me vetëm 1.25%. Por kjo nuk i ka penguar bizneset që të rrisin me shpejtësi depozitat në monedhën vendase.
Banka e Shqipërisë e ka shpjeguar sjelljen e bizneseve me rritjen ekonomike, e cila ka shtuar likuiditetet e korporatave, por vetë bizneset ndajnë opinione të ndryshme.

Presidenti i Dhomës Amerikane të Tregtisë, Mark Crawford, tha se Shqipëria nuk ka shumë alternativa për të riinvestuar fitimet, për shkak të mungesës së tregjeve të kapitalit, por gjithashtu thotë se ambienti i taksave nuk i favorizon investimet e reja. Në Shqipëri, disa sektorë janë drejt maturimit, ndërsa rritja e taksave dhe rënia e konsumit e ka vështirësuar zhvillimin e disa sektorëve të tjerë, sidomos ato që lidhen me industrinë e përpunimit.

LEAVE A REPLY

Please enter your comment!
Please enter your name here