Hije skandali, 40 policë të “e pabesueshëm”, nuk marrin certifikatë sigurie

Vetingu në polici ka nisur para janarit, kohe kur, sipas Ministrisë së Brendshme, procesi do të fillojë edhe zyrtarisht.

Drejtoria e Sigurimit të Informacionit të Klasifikuar po kthen përgjigje negative për pajisjen me certifikatën e sigurisë të zyrtarëve të policisë të niveleve të ndryshme.
Top Channel mëson se rreth 40 efektivëve i është refuzuar rinovimi i certifikatave të kategorive “sekret” dhe “tepër sekret”.

Kliko per me shume info

Për këtë arsye, burimet thonë se ditët e fundit ka patur disa lëvizje në radhët e policisë që kanë prekur shefin e komisariatit të Peshkopisë, shefin e kufirit në Dibër, shefin e qarkullimit rrugor në Gjirokastër, shefin e komisariatit të Sarandës dhe disa oficerë antidroge në drejtorit vendore të 12-të qarqeve të vendit.

Për këto lëvizje nuk ka një njoftim zyrtar nga policia. Por burimet thonë se disa prej efektivëve kanë kaluar në dispozicion ndërsa ligji parashikon që në rast të mos pajisjes me certifikatë sigurie, subjekti kalon në një detyrë tjetër ku nuk njihet me informacione të klasifikuara.

Për pajisjen me certifikatë sigurie verifikimet kryen nga 3 institucione, shërbimi për çështjet e brendshme dhe ankesave, Shërbimi Informative Shtetëror dhe Drejtoria e Sigurimit të Informacionit të Klasifikuar.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.