Masakra e Lushnjës, familjarët e të dyshuarve drejt arratisjes

Frika nga hakmarrja ka bërë që familjarët e autorëve të dyshuar të shpallur ne kërkim për masakrën e Lushnjës të largohen jashtë Shqipërisë.

Kliko per me shume info

Nga Prokuroria e Lushnjës thuhet se janë në dijeni të një fakti të tillë.

Familjarët e të dyshuarve të masakrës së Lushnjës po ikin.

Në qytet është përhapur fjala se familjet e viktimave do të marrin hak dhe kjo ka vënë në leëvizje të afërmit e Laert Haxhiut dhe të Orges Bilbilit.

Burime nga prokuroria e Lushnjës, e cila heton masakrën, i treguan ABC Neës, se së fundmi motra e vetme e Laert Haxhiut, Klea Haxhiu po kërkon azil .

Të njëjta burime saktësojnë se 20 vjeçarja ka nisur procedurat në ministrinë e jashtme, duke depozituar dokumentacionin e duhur. Nuk dihet nëse është pranuar kërkesa nga ana e ministrisë sonë.

Që prej 11 tetorit, kur ndodhi vrasja e Zamir Latifit dhe Jurgen Hoxhës, motra e të dyshuarit kryesor për vrasjen Laert Haxhiut ka braktisur studimet e larta në Tiranë.

Edhe familjarë të të dyshuarit tjetër të vrasjes së dy të rinjve Orgest Bilbilit, po tentojnë të njëjtën gjë, ndërkohë që momentalisht qëndrojnë në kontroll.

Në kërkim për atentatin e 11 tetorit vazhdojnë të jenë Laert Haxhiu dhe Orgest Bilbili.

Deri tani nuk ka asnjë të dhënë se ku mund të jenë të dyshuarit, madje nuk është gjetur as pronari i makinës, që u përdor në ngjarje.

Nga ana tjetër, familjarët e dy të dyshuarve janë paraqitur në prokurorinë e rrethit me pretendimin se po hidhen akuza të pabaza mbi fëmijët e tyre, sepse ata nuk janë autorët e vrasjes.. /AbcNews

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.