Flasin prindërit e Inez Hajrulla: Ja ku dyshojmë për autorin që i bëri atentat me tritol djalit

Aktualitet

Hetuesit marrin në pyetje prindërit e 25-vjeçarit që u gjymtua nga atentati me tritol në Vlorë. Ata dëshmuan në Tiranë për shkak se ndodhen afër djalit të tyre, i cili ndodhet në reanimacion në Spitalin Ushtarak.

Ata janë duke qëndruar afër të birit, i cili e humbi njërën këmbë nga shpërthimi me tritol në makinën e tij.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Dhe për këtë arsye hetuesit e çështjes i morën në pyetje në ambientet e Policisë së Tiranës. Prindërit e Inez Hajrulla dyshojnë që autori është në Vlorë, por nuk japin detaje të tjera.

Ata nuk pranojnë që atentati ndaj djalit ka lidhje me kushërinjtë e vrarë.

“Me të afërmit që u vramë ne nuk kontaktonim prej vitesh. Inezi nuk ka pasur konflikte në Durrës. Ai lëvizte lirshëm në çdo qytet të Shqipërisë”, kanë dëshmuar familjarët.

25-vjeçari humbi njërën këmbë dhe ka në gjendje të rëndë këmbën tjetër. Emrin e vërtetë e ka Imer dhe është djali i Robert Hajrullës, biznesmen në Vlorë.

Ai njihet ndryshe edhe si Ini i Çones dhe është kushëriri i parë i Renato Imerit, 36-vjeçarit i njohur ndryshe si “Reni” i cili u ekzekutua disa muaj më parë me armë zjarri në zonën e Lungomares në Vlorë, teksa po lëvizte me biçikletë. Gjithashtu kushëri me Endri Çaushaj i vrarë para dy vitesh në Durrës.

25-vjeçari i cili ndodhet në masë arresti, për shkak të pistoletës që iu gjet në makinë në kohën kur ndodhi shpërthimi me tritol, ndodhet në gjendje të rëndë./abcnews

ME TE LEXUARAT