Dorëhiqet Presidenti i Federatës Italiane të Futbollit: Ju kërkoj falje, dështova!

Ashtu siç ishte parashikuar më parë, Carlo Taveçhio dha dorëheqjen nga posti i presidentit të Federatës Italiane të Futbollit (FIGC)
Gjithçka ndodhi në mbledhjen e Këshillit Federal të këtij institucioni, që zgjati vetëm 15 minuta.

Taveçhio, që pak orë përpara kësaj mbledhjeje u duk se nuk kishte ndërmend ta ndërmerrte këtë hap, pasi dëgjoi të gjitha deklaratat e përfaqësuesve të ligave të futbollit italian, në fund u dorëzua duke e lënë bosh vendin e tij në krye të qeverisë së futbollit italian.

Kliko per me shume info

Por jo vetëm kaq, Taveçhio kërkoi dorëheqjen edhe për të gjithë anëtarët e Këshillit Federal, kërkesë kjo që është pranuar. Largimin e Taveçhios dhe anëtarëve të këtij këshilli e kërkuan të gjithë, duke nisur nga sindikata e futbollistëve, drejtuesit e Lega Pro, politikanët dhe presidenti i Komitetit Olimpik Kombëtar Italian (CONI), Giovanni Malago.

Dorëheqja e Carlo Taveçhios erdhi një javë pas dështimit të përfaqësueses italiane të futbollit në kualifikueset e Botërorit 2018. Të kaltrit u eliminuan në fazën e “play-off”-it nga Suedia, me rezultatin e përgjithshëm 1-0 të vendosur që në ndeshjen e parë, pasi sfida e kthimit u mbyll 0-0.
“Ambiciet politike na penguan që të diskutonim arsyet e këtij eliminimi dhe për këtë arsye unë dhashë dorëheqjen nga posti im”, ishte deklarara e Taveçhios për “Sky Sport”.

Ndërkohë mësohet se, brenda 90 ditëve, Federata Italiane e Futbollit do të organizojë zgjedhjet e reja për postin e presidentit të këtij institucioni./top channel

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.