Shpallen fajtorë aktivistët e Vetëvendosjes, dënohen më 21 vjet e 6 muaj burg

Kliko per me shume info

Trupi gjykues i Gjykatës Themelore në Prishtinë e shpalli aktgjykimin ndaj katër aktivistëve të Lëvizjes Vetëvendosje të dyshuarve për sulmin me mortajë dore ndaj ndërtesës së Kuvendit të Kosovës. Ata janë shpallur fajtorë në akuzën për të cilën janë ngarkuar dhe janë dënuar me një total prej 21 vjet e 6 muaj burg.

Atdhe Arifi është dënuar me 6 vjet burg, Frashër Krasniqi me 8 vjet, Egzon Haliti me 5 vjet e gjysmë ndërsa Adea Batusha me 2 vjet burg. Të akuzuarit janë aktivistë të Lëvizjes Vetëvendosje. Në shpalljen e gjykimit, të pranishme kanë qenë edhe deputetet e Vetëvendosjes, Albulena Haxhiu e Donika Kadaj.

Kliko per me shume info

Katër aktivistët e Vetëvendosjes akuzohen për sulmin e kryer në gusht të vitit 2016 ndaj Kuvendit të Kosovës Në këtë rast, të akuzuar për sulmin me mjet shpërthyes kundër ndërtesës së Kuvendit të Kosovës ishin Atdhe Arifi, Egzon Haliti, Adea Batusha dhe Frashër Krasniqi.

Të katër të akuzuarit e këtij rasti ishin deklaruar të pafajshëm në seancën e mbajtur më 28 shkurt të këtij viti ndërsa aktakuzën e kishin quajtur politike ndërsa kërkesat e tyre për hedhje të aktakuzës dhe pushim të procedurës ishin refuzuar nga Gjykata Themelore, transmeton Kallxo.com.

Pjesë e aktakuzës ka qenë edhe Astrit Dehari, i cili në nëntor të vitit 2016 ishte gjetur i vdekur në qelinë e tij në qendrën e paraburgimit në Prizren. Aktivistët e VV-së u dërguan në paraburgim.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.