Çështja “Tahiri”, Mogherini: Duam rezultate kundër trafikut të drogës!

Gjatë konferencës së përbashkët me Ministrin Ditmir Bushati, zyrtarja e lartë e BE-së, Federica Mogherini është pyetur nga gazetarët për çështjen “Tahiri” dhe votimin kundër heqjes së imunitetit të tij si deputet nga maxhoranca.

Zyrtarja e BE-së tha se nuk do të komentojë punën e gjyqësorit, por nenvizoi se duhen rezultate të qarta në luftën kundër trafikut dhe kultivimit të drogës.

Kliko per me shume info

“Siç e thashë jo vetëm në shënimet e mia por edhe vitin e kaluar, edhe në Bruksel dhe në Tiranë që trafikimi i drogës duhet të trajtohet me gjithë seriozitetin e duhur dhe autoritetet gjyqësore duhet të bëjnë punën e tyre.

Agjencitë ligjzbatuese po bashkëpunojnë me vendet anëtarë dhe me Guardia di Finanza dhe me sa di bashkëpunimi po vazhdon me Italinë. Është rregulli im i artë që të mos komentoj për punën e gjyqësorit. E respektoj, e admiroj punën e gjyqësorit për ta vendosur në qendrën e një komenti politik. Por trafikimi dhe kultivimi i drogës është prioritet jetik që e ndajmë me autoritetet shqiptare. Shikoj vendosmëri, duke marrë parasysh bashkëpunimin, shoh hapa para dhe vullnet politik. Duhet të shohim rezultate të qarta sepse është një kusht i BE-së i popullit shqiptar për të gjithë shoqërinë. Është një përgjegjësi e institucioneve dhe e shoqërisë dhe duhet të zgjidhet nga i gjithë vendit. Është e rëndësishme të tregoheni të vendosur”, deklaroi Mogherini.

LEAVE A REPLY

Please enter your comment!
Please enter your name here