Studimi i BE, Basha: Në zgjedhjet e fundit u blenë 20 për qind e votave

Kreu i PD-së Lulzim Basha ka kërkuar edhe një herë krijimin e një qeverie antimafia, që do t’i hapë rrugë reformës zgjedhore.

Reagimi i kryedemokratit vjen pas studimit të financuar nga BE, sipas të cilit në zgjedhjet e fundit parlamentare janë blerë rreth 20 % e votave, shifër kjo e mjaftueshme për ndryshimin e rezultatit.

Kliko per me shume info

Statusi i Bashës

Në Shqipëri votat janë blerë në mënyrë masive. Një studim i financuar nga BE ka zbuluar se mbi 20 për qind të votuesve u është ofruar para ose favore në shkëmbim të votës. Numri i vërtetë është edhe më i madh, po të kihet parasysh se shumë persona zgjedhin të mos e tregojnë këtë të vërtetë.

Studimi është një tjetër tregues i blerjes masive të votave nga Edi Rama me anë të parave të drogës dhe të krimit.

Një pushtet që merret me krim, mund të mbahet vetëm me më shumë krim. Prandaj qeveria Rama u kthye gradualisht në një organizatë kriminale të përfshirë direkt në mbështetjen e trafikimit të drogës, në pastrimin e parave të drogës me anë të PPP-ve, në zhvillimin e një industrie mafioze të plehrave dhe aktivitete të ngjashme.

Në të njëjtën mënyrë, Edi Rama do vazhdojë të zhytet edhe më thellë në krim çdo ditë e më shumë që ai do të jetë në pushtet. Prandaj krijimi i një qeverie antimafia që i hap rrugë një reforme të mirëfilltë zgjedhore është hap i parë dhe i domosdoshëm për kthimin e legjitimitetit të zgjedhjeve dhe fillimin e pastrimit të politikës nga krimi.

LEAVE A REPLY

Please enter your comment!
Please enter your name here