Aksident i rëndë në Vlorë, përplasen tri makina

Tre automjete janë përfshirë mbrëmjen e kaluar në një aksident në autostradën Vlorë-Fier në aksin e Panajasë. Fatmirësisht nuk ka pasur pasoja në jetë njerëzish.

Shërbimet e Policisë kanë shkuar menjëherë në vendngjarje dhe nga verifikimi paraprak kanë konstatuar se mjeti tip ”Audi” me drejtues shtetasin K.D., 22 vjeç, gjatë drejtimit të mjetit ka humbur kontrollin dhe ka goditur nga pas mjetin tip ”Hyndai” me drejtues shtetasin Q.M., 34 vjeç.

Kliko per me shume info

Si pasojë e përplasjes së këtyre dy mjeteve, errësirës dhe bllokimit të rrugës është përplasur me trafikndarsen edhe mjeti tip ”Benz”, me drejtues shtetasin D.L., 24 vjeç.

Për pasojë kanë mbetur të dëmtuar të tre drejtuesit e mjeteve si edhe 2 shtetasit pasagjer, Sh.L., 29 vjeçe ; E.M., 29 vjeç, jashtë rrezikut për jetën.

Grupi hetimor në përfundim të hetimit dhe përcaktimit të rrethanave të aksidentit ka arrestuar në flagrancë drejtuesin e mjetit tip ”Audi”, shtetasin :

Klevis Deliaj, 22 vjeç, banues në Vlorë, i dyshuar për veprën penale ”Shkelje të rregullave të qarkullimit rrugor”.
Materialet hetimore iu referuan Prokurorisë së rrethit Gjyqësor Vlorë për veprime të mëtejshme.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.