36 mijë mësues pa kontratë pune, Ministria e Arsimit nuk merr për bazë asnjë kërkesë

Kliko per me shume info

36 mijë mësues të arsimit parauniversitar në vend janë pa kontratë pune, ndonëse vazhdojnë të japin mësim.

Përfaqësues të sindikatave thonë se pavarësisht kërkesave të tyre në Ministrinë e Arsimit, ende nuk kanë mundur të nënshkruajnë kontratën kolektive ashtu siç e kërkon ligji, ndonëse kontrata e vjetër u ka përfunduar në 31 Maj të këtij viti.

Kliko per me shume info

“Të dyja sindikatat i jemi drejtuar më një shkresë dhe ende nuk kemi marrë një përgjigje nga Ministrja Nikolla. Ndodheni përballë moszbatimit të ligjit parauniversitar, pasi Ministrja e ka për detyrë që të nënshkruajë kontratën kolektive. Pa këtë kontratë mësuesit janë të pambrojtur në vendin e tyre të punës”.

Për sindikatat, kjo është një nga shkeljet që i bëhet Ligjit të Arsimit, duke nëpërkëmbur dinjitetin e mësuesve.

“Po lozet përditë me dinjitetin e mësuesit, po përdoret edhe në kundërshtim me ligjin, siç u përdorën edhe para një javë për t’u vlerësuar punën e drejtuesve të tyre, kur kjo është e përcaktuar qartë në nenin 55 mënyra sesi vendoset dhe si largohet nga vendi i punës drejtori i institucionit arsimor”.

Përballë këtyre akuzave, e kontaktuar nga Televizioni Klan, Ministria e Arsimit dhe Rinisë nuk ka kthyer asnjë përgjigje mbi shqetësimin e Sindikatës së Arsimtarëve.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.