Doni të jetoni gjatë?! Sekreti është të hani mëngjes

Soft

Të heqësh dorë nga mëngjesi në favor të dobësimit, rrit jo vetëm rrezikun e obezitetit, por edhe atë të sëmundjeve të zemrës.

Aktore të njohura si Jennifer Aniston apo Joanna Lumley ia atribuojnë humbjen në peshë faktit që “e harrojnë” vaktin më të rëndësishëm të ditës, por studimi i fundit i publikuar nga revista e kolegjit amerikan të kardiologjisë paralajmëron se një dietë e tillë ngurtëson arteriet teksa shton nivelin e glukozës.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Studiuesit kanë analizuar shëndetin e më shumë se 4.000 personave për të parë se çfarë efekti kishte mëngjesi mbi organizmin e tyre. Ata zbuluan se një veprim i tillë nxiste një përgjigje emergjence të trupit, e cila vjen në formën e urisë gërryese.

Dieta në fjalë, sipas kërkuesve, pak e ndihmon kontrollin e masës dhjamore në bel, ndërsa rrit ndjeshëm rrezikun e sëmundjeve të zemrës dhe mbipeshës. Të ngrënit mëngjes është përshëndetur me kohë si promovues i një shëndeti më të mirë, përfshirë këtu mbajtjen n fre të peshës dhe kolesterolit.

Pjesëmarrësit në eksperiment që hanin mëngjes nuk kishin probleme kardiovaskulare apo sëmundje të veshkave. Tek personat që e shmangnin, ose dhe ata qe merrnin ushqime, të cilat nuk mbushin me energji, u vunë re probleme me arteriosklerozën, ndërsa ishin në përgjithësi më të pritur ndaj një stili jo të shëndetshëm jetese që përfshinte kequshqyerjen, konsumin e shpeshtë të alkoolit dhe duhanin.

ME TE LEXUARAT