Rrjeti i prostitutave në Tiranë, zbardhen përgjimet që fundosën policin

Aktualitet

Zbardhen disa nga përgjimet e efektivit të policisë që akuzohet se ka qenë pjesë e grupit të prostitucionit me të paktën 28 anëtarë në Tiranë.

Disa javë pas dorëzimit të dosjes hetimore të Prokurorisë së Tiranës në gjykatë, mësohen detaje nga bisedat që efektivi i policisë Elton Shtrepi bënte me anëtarët e grupit duke qenë në dijeni të krejt aktivitetit kriminal, shkruan “Panorama”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sipas Prokurorisë, me anë të vëzhgimeve e të përgjimeve është provuar se efektivi i policisë “ka mbrojtur” nga kontrollet taksistët që transportonin vajzat në hotelet e banesat ku takoheshin me klientët në rastet kur ata “shqetësoheshin” nga uniformat blu.

Personazhi kryesor i kësaj çështjeje është shtetasi Mentor Koka, ndërsa në grupin e shfrytëzuese bëjnë pjesë edhe Maringlen Ahmetaj, Arben Bici, Elton Shtrepi (efektiv policie)dhe Eduart Begeja, si dhe dy femra emrat e të cilave nuk bëhen të ditura.

Burimet zyrtare thanë se në bazë të hetimeve, të cilat nisën në shkurt 2017 dhe kanë përfunduar në fund të muajit korrik 2017, tetë prej të pandehurve akuzohen për veprat penale të “Shfrytëzimit të prostitucionit”, ndërsa të tjerët për veprën penale të “Prostitucionit”.

Hetimi i Prokurorisë së Tiranës, i nisur në bazë të informacionit policor, si edhe i kryer me veprime konkrete policore në terren ka zbuluar se një pronar hoteli, disa persona që ushtronin profesion edhe taksist, një inspektor policie, si edhe disa vajza, bashkëpunonim me njëri-tjetrin për të siguruar “klientelë” për vajza që ushtronin aktivitetin e paligjshëm të prostitucionit. Pagesa për çdo “shërbim seksual” varionte në shifrat 50-200 euro për orë.

PËRGJIMET:

I pandehuri Elton Shtrepi (efektiv policie) afrohet pas telefonatës së bërë nga shtetasi Maringlen Ahmetaj, moment ky i provuar si nga përgjimi i numrit telefonik të shtetasit Maringlen Ahmetaj edhe nga këqyrja e tabulateve telefonike të bëra numrave telefonikë të dy personave të lartëpërmendur.

Një prej taksistëve që lëvizte vajzat ishte ndaluar nga policët e komisariatit nr. 2 ndërsa telefonon menjëherë Elton Shtrepin duke i kërkuar ndihmë.

Publikohet një fragment nga ky përgjim:

Maringleni:-Toni, më kanë kap këta të dyshit, këtu vëlla, te “Roza” vëlla, vjen dot?

(Elton Shtrepi); Ja të marr makinën e po vi, prit ta marr.

-Maringleni:-Shpejt o shpejt, jepi gaz o vlla.

-Eltoni: Po duro mo se erdha.

Nga verifikimet e patrullës së policisë së Komisariatit nr. 2, ka rezultuar se në mjet me të pandehurin Maringlen Ahmetaj ndodheshin të pandehurat (emrat e vajzave)

Eltoni:-Ku je o lo…, ?

Maringleni:-Në shpi.

Eltoni:-A ke dal sot?

Maringleni:-Jo.

Eltoni:-Po do një shoku im, do një taksi, o k…?

Maringleni: Taksi të mirë?

Eltoni:-Aaa..?

Maringleni: -Taksi të mirë?

Eltoni: -Poo.

Maringleni:-Po mo, të dalë se do e gjejmë, po ja ke bërë çmimin…?

Eltoni:-Aa.

Maringleni: Ja ke bërë çmimin?

Eltoni:-Po, po po.

Maringleni:-Po mo vlla.

Eltoni:-E se i kam dhënë edhe numrin tënd, unë. Do të marri vetë, është ai shoku, Navali që ishim atë ditë në darkë aty te xhepi.

Maringleni:-Aha, ai është kot o burrë….

Eltoni:-Po jo mo, ç’ke ti, se m’u më tha po o vlla, tani ça me të thonë unë.

Maringleni:-Po kë t’i jap sot unë, po mirë e ke ti?

Eltoni:-Nonën

Maringleni:-Ka ik.

Eltoni:-Atë që ke në shpi.

Maringleni:-Ka….. në pi….!

Eltoni: Xhikën !

ROLI I POLICIT

Në vijim të këtij hetimi, u konstatua se e pandehura Fllanxa A., mbante kontakte të vazhdueshme me punonjësin e policisë Elton Sh, si edhe me shtetasin Maringlen A., i cili punonte taksist.

Nga veprimet hetimore, rezulton se këta dy shtetas u siguronin klientë vajzave që jetonin me Fllanxa A., por edhe disa të tjerave, të cilat ushtronin aktivitetin e prostitucionit. Nga hetimet e këtij rasti, veçohet një situatë kur taksisti Maringlen A., po shoqëronte tri vajza për të prostituuar në një hotel pranë qendrës së Tiranës.

Rrugës pranë hotelit, mjeti taksi ndalohet nga Policia e Qarkullimit për kontroll dokumentesh. Në këtë moment, taksisti Maringlen A., kontakton me inspektorin e policisë Elton Sh., të cilit i kërkon ta ndihmojë të mos ketë probleme. Elton Shtrepi afrohet me makinën e tij dhe, pasi komunikon me patrullën e policisë, largohet me të gjithë personat e gjendur në taksi, duke e drejtuar vetë mjetin, ndërkohë që automjetin e tij e parkoi.

Pasi udhëtojnë në disa rrugë të Tiranës, mjeti taksi i drejtuar nga Elton Shtrepi ndalon sërish pranë hotelit për ku ishin nisur vajzat, të cilat zbresin dhe ai largohet me mjetin e tij.

Duke konstatuar këtë situatë, hetimi u shtri edhe te këta dy persona (punonjësi i policisë dhe taksisti), nga ku rezultoi se ata përfshiheshin shpesh në gjetjen e klientelës për vajzat që ushtronin prostitucion, duke marrë edhe përqindjen e parave për rolin e tyre. Së bashku me këta të dy, në aktivitetin e shfrytëzimit të prostitucionit, rezultoi i përfshirë edhe Arben B./Panorma

ME TE LEXUARAT