Do martoheshin të dielën/ E fejuara e akuzoi për përdhunim, por i riu rrëfen të vërtetën e hidhur

Kliko per me shume info

Të dielën e 20 gushtit, Julian H, do të digjte shaminë e beqarit. Do të lidhte kurorë me R., dhe do t’i premtonte asaj dashuri të përjetshme. Por, fati nuk deshi. Dita që ne fakt duhet të ishte më e lumtura e jetës së tij, iu kthye në makth. “Gazeta Shqiptare” zbardh historinë e plotë, të rrallë, të një çifti të ri. Mesdita e e së dielës, e gjeti Julianin në bankën e të akuzuarve në gjykatën e Tiranës. Ish e fejuara e kishte denoncuar për kryerje të marrëdhënieve seksuale, pa dëshirën e saj.

Ndryshe nga sa pretendonte e reja, historia (e denjë për një skenar filmi) ka anën tjetër të medaljes, atë që Juliani rrëfeu para gjykatëses së gatshme, të cilën e bindi ta nxirrte në liri. Juliani i tha gjykatës së me R., njihej që herët, për shkak se janë lindur e rritur në të njëjtin qytet. Me të ishte fejuar pak muaj më parë dhe në fillim marrëdhënia mes tyre shkonte mirë.

Kliko per me shume info

Tre muaj ata jetuan në Itali sëbashku, ku Juliani punonte prej vitesh. Të dy (cifti ne foto), kishin vendosur që pas martese të jetonin në shtetin fqinj, për një jetë më të mirë, ndaj vendosën të lidhnin martesë; jo vetëm atë ligjore, por edhe festën me familjarët e tyre.

Kështu, me 3 gusht çifti ju drejtua gjendjes civile, ku shpalli martesën dhe nisën përgatitjen për ditën e madhe. “Po ecnim me makinë, kur ajo i nisi emoji (zemra) në whats up një personi. E pyeta me kë po fliste dhe më tha që ishte një kushëri i largët. I kërkova që ta takonim për kafe dhe ajo u rebelua. Fillova të dyshoj, ndaj e ktheva makinën dhe shkova në shtëpinë e saj. Kërkova shpjegime se kush ishte personi në fjalë, pasi unë gjeta fotot e tij në telefon. Ajo e irrituar theu telefonin.

Vendosa pa asnjë mëdyshje të anuloja dasmën dhe u largova bashkë me familjen në plazh në Shëngjin, kur në gazeta lexova që një person me inicialet J.H ishte denoncuar nga ish e fejuara për marrëdhënie seksuale pa dëshirë. Fillova të dyshoj, pasi inicialet përkonin me të miat, ndaj siç isha me rroba plazhi u drejtova në komisariatin e Lezhës. Aty mësova se i kërkuari isha unë dhe sigurisht kërkova të vijohej me procedurat”, shpjegoi Juliani dhe avokati i tij. Kallëzimin ndaj tij e cilësoi sajesë të ish të fejuarës së tij, në shenjë hakmarrje që e la pak ditë përpara martesës. Gjykata vendosi ta lirojë të dyshuarin, pasi shpalli të paligjshëm arrestimin. Juliani, tashmë do të hetohet në gjendje të lirë dhe duket se është nëse i vendosur që historia të zbardhet tërësisht./GSH

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.