Bibliotekat në vend në mëshirë të fatit, bie në mënyrë drastike frekuentimi i tyre

Kliko per me shume info

INSTAT ka publikuar numrin e frekuentimeve në bibliotekën më të rëndësishme në vend, duke vënë në pah një rënie drastike.

Sipas tyre numri i frekuentimeve është përgjysmuar në tremujorin e dytë të vitit, në 26 mijë, nga mbi 50 mijë që kishte qenë në tremujorin e dytë të vitit 2016.

Kliko per me shume info

Kjo tendencë rënëse ishte vërejtur qartë edhe në tremujorin e parë, kur numri i frekuentimeve ra me 31%.
Efektet e epokës dixhitale po reflektohen qartë në frekuentimin e bibliotekave. Rritja e aksesit në informacion përmes internetit e bën më pak të domosdoshëm frekuentimin e bibliotekës, të paktën për një pjesë të mirë të publikut.
Megjithëse ka më pak lexues në biblioteka, jeta kulturore duket se ka qenë më intensive për sa i takon institucioneve të tjera kulturore.
Kështu, gjatë tremujorit të dytë ka një rritje të ndjeshme të vizitave në muze, monumente kulture dhe parqe arkeologjike. Por, natyrisht kjo i detyrohet më shumë shtimit të numrit të turistëve të huaj, sesa dyndjes së vetë shqiptarëve.
E dukshme është një rritje e numrit të spektatorëve në shfaqjet kulturore dhe teatrore.
Sipas INSTAT, numri i spektatorëve në Teatrin Kombëtar është dyfishuar, ndërsa në Teatrin e Operës dhe Baletit është rritur me dy herë e gjysmë ndaj tremujorit të dytë të vitit të kaluar./scan

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.