Sulmohen me thikë gjashtë turistë në hotel, vriten dy gjermanë
Terrorizmi ka goditur turistët nga Perëndimi në Egjipt. Dy gjermanë u goditën me thikë për vdekje dhe katër të tjerë u plagosën në një hotel në resortin buzë Detit të Kuq, në Hurghada.
Kombësia e të plagosurve të cilët ndodhen në gjendje të rëndë për jetën nuk dihet ende, por dyshohet të jenë nga Ukraina, Çekia dhe Rusia.
Sulmuesi ishte një 20 vjeçar i veshur me një bluzë të zezë dhe xhinse, duket të ketë notuar nga një pjesë plazhi publik për të siguruar qasje në territorin e resortit. Ai hyri në holel dhe goditi 6 turistë para se të bllokohej nga policia.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
“Nuk i dua egjiptianët, nuk po i kërkoj ata “, mësohet të ketë bërtitur në arabisht agresori sipas dëshmive.
I dyshuari, gjithsesi është arrestuar dhe po merret në pyetje nga policia për të përcaktuar motivet e këtij sulmi dhe nëse vërtet lidhen me ISIS.
Prej vitesh ISIS dhe grupet e bashkuara terroriste po u bëjnë thirrje luftëtarëve të godasin ata që i konsiderojnë të”pafe” në vendpushimet e vendit të faraonëve, nga Sharm el Sheikh, Pearl e Sinait, Luxor dhe Hurghada.
Autoritetet egjiptiane të shqetësuar për pasojat mbi turizmin e cilësuan ngjarjen si një tentativë grabitje, por dëshmitarët thotë se i riu bërtiti “Zoti është i madh!”
Hurghada është një prej vendeve turistike më popullore, i njohur veçanërisht për zhytjet me veshje speciale.