Brian Yee: SHBA kundër ribërjes së hartës së Ballkanit

Kosovë&Rajon

Me tone të prera, ndihmëssekretari Amerikan, Hoyt Brian Yee, ka theksuar se Amerika nuk e ka ndryshuar politiken dhe as interesin e saj ndaj Ballkanit. Në një interviste për gazetën greke Kathimerini ai përgjigjet prerë se kufijtë në vendet e Ballkanit janë të përcaktuara dhe nuk përbëjnë çështje për diskutim.

“Kufijtë e vendeve në Ballkan janë të përcaktuara qartë, të njohur ndërkombëtarisht dhe nuk janë objekt i kontestit. Ndryshimi në kufijtë e Ballkanit nuk do të kontribuonte për sigurinë dhe stabilitetin në rajon. E kundërta, siç e dimë nga përvoja, përpjekjet për të ndryshuar zonën e kufirit mund të jenë shumë destabilizuese.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ne i bëjmë thirrje politikanëve në rajon që të përmbahen nga retorika nxitëse e ndarëse, dhe në vend të kësaj të përqendrohen në raportimin e reformave themelore politike dhe ekonomike të nevojshme për ecurinë e integrimit të tyre në institucionet euro-atlantike”, tha ai, raporton Panorama.

“Ne nuk mbështesim ribërje të hartës në Ballkanin Perëndimor dhe refuzojmë retorikën nacionaliste nga çdo burim. Unë nuk jam në dijeni të ndonjë përpjekje serioze për të ndryshuar kufijtë në rajon. Ne shpresojmë dhe presim që liderët e rajonit do të vazhdojnë të kërkojnë mundësi për të adresuar çështjet për të cilat ato kujdesen për qytetarët e tyre, të tilla si rritja ekonomike. Udhëheqësit duhet të punojnë së bashku për të reduktuar ndonjë tensionit etnik apo politik”, tha ai.

ME TE LEXUARAT