E fundit/ Humbi zgjedhjet, jep dorëheqjen kryetari i kësaj partie

Politikë

Partia Socialiste mbizotëroi në vend, duke rrëmbyer 72 mandate.

Ndërsa, parti të tjera shumë të vogla u larguan shumë të zhgënjyer. Kreu i partisë SFIDA, Gjergj Bojaxhi ka reaguar sot me nje status ne Facebook, duke uruar fituesin, pra PS, teksa ka lajmeruar edhe doreheqjen nga kreu i partise duke mbajtur pergjegjesine per kete rezultat.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Partia e tij, doli nga zgjedhjet e 25 qershorit me 3.504 vota, duke mos arritur te siguroje mandat deputeti per ne Parlament.

REAGIMI I GJERGJ BOJAXHI:

Përshëndetje! Përmes këtij qëndrimi dua së pari të uroj fituesin e zgjedhjeve politike të 25 Qershorit në Shqipëri.

Së dyti, si drejtues politik i Sfidës dua të deklaroj me bindje pergjegjësinë time për rezultatin e padëshiruar në zgjedhje. Për rrjedhojë shpall doreheqjen time nga ky funksion i partisë. Çmoj se marrja e përgjegjësive me fjalë, por pa vepra nuk do të ishte në frymën për të cilën u krijua SFIDA.

Së treti, kam bindjen që vetem një shtet i drejtë është i fortë dhe jo e kundërta. Ndaj qëllimi si shoqëri nuk duhet të jetë të bëjmë një shtet të fortë me të dobëtin, por të barabartë përpara ligjit mes të dobëtit dhe të fortit, mes të varfërit dhe të pasurit, mes politikanëve dhe qytetarëve.

Se katërti i falenderoj thellësisht nga zemra të gjithë ata qytetarë që na besuan dhe mbeshtetën. Misioni ynë vijon dhe mbetet të mundim politikën e pazareve dhe militantizmit.

Sfida sapo ka filluar!

 

ME TE LEXUARAT