“Balena blu”, mendja e sëmurë ruse që shpiku lojën vrasëse

Bota

Mediet e përkufizojnë si “lojë të çmendur” dhe “Sfida e balenës blu”, pjellë e një mendjeje të sëmurë, e tillë është. Sfida e rrezikshme, që në fillim duket e padëmshme, lidhet me të paktën 130 vdekje në Rusi, e ka detyruar ngadalë policitë e vendeve të ndryshme europiane të mos e shohin edhe me aq indiferentizëm, por të paralajmërojnë prindërit mbi kërcënimin, në dukje të pafajshëm, që u kanoset fëmijëve të tyre.

Loja merr jetë në platformat e medieve sociale. Një kujdestar caktohet për t’i drejtuar pjesëmarrësit në sfidën 50-ditore, gjatë së cilës u kërkohen prova të ndryshme, të cilat në fillim janë mjaft të thjeshta dhe i tërheqin të rinjtë naivë. Por më pas, sfidat vështirësohen ndjeshëm, duke mbërritur në më të rrezikshmet e vetëdëmtueset, që përfundojnë në vetëvrasje.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Nëse personi, në një moment të caktuar kërkon të tërhiqet, gjendet nën kërcënimin se njerëzit e tij do të lëndohen, sepse drejtuesit e lojës i kanë të dhënat e tyre personale.

15-vjeçarja ruse, Yulia Konstantinova iu bashkua shoqes së saj Veronika, 16 vjeç, për sfidën e fundit: kërcënimin nga çatia e një blloku apartamentesh 14-katësh. Një tjetër 15-vjeçare u shtrua në spital në gjendje kritike, pas hedhjes nga kati i pestë i një pallati në Krasnoyarsk, e dy ditë përpara kësaj, një tjetër adoleshente nga Chita ishte hedhur në shinat e një treni.

“Kemi numëruar 130 vetëvrasje fëmijësh në periudhen nëntor 2015-prill 2016”, shkruante kohë më parë gazeta investigative ruse “Novaya Gazeta”. Shumica e tyre ishin anëtarë të të njëjtave grupe në internet dhe jetonin në familje fare normale, madje të lumtura.

“Kushdo që e ka krijuar këtë lojë të tmerrshme, është një njeri mendërisht i sëmurë”, deklaronin javë më parë krerë të policisë britanike. Më 12 qershor, policia e Moskës arrestoi atë që besohet të jetë administratori i lojës së rrezikshme. 26-vjeçari Ilya Sidorov sapo kishte udhëzuar një 13-vjeçare, banore e fshatit të largët Yetkul, të hidhej përpara një treni pasagjerësh.

ME TE LEXUARAT