Arrestohet fatorino i linjës së Unazës, bënte kërdinë me portofolat dhe celularët
Policia e Tiranës ka vënë në pranga një faturino që grabiste qytetarët në autobusin e linjës së Unazës. Sipas njoftimit të policisë, u arrestua 23-vjeçari me inicialet R. T, faturino në linjën e Unazës, i cili vidhte portofola dhe telefonat e qytetarëve.
Një ndër rastet që Policia ka dokumentuar, është vjedhja e një telefoni ‘Iphone 6” dhe një sasi dollarësh që faturino i ka bërë një 52-vjeçari.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Pikërisht në momentin që 23-vjeçari po u mblidhte lekët qytetarëve, ka bërë edhe grabitjen, ku i ka marrë portofolin dhe telefonin 52-vjeçarit.
Policia ka gjetur telefonin dhe sasinë e lekëve faturinos gjatë një kontrolli të befasishëm. Atij iu gjet edhe një dorezë metalike.