Koalicioni i UÇK-së. PDK, AAK dhe Nisma, bashkë në zgjedhje

Kosovë&Rajon

Partia Demokratike e Kosovës është bashkuar në koalicion parazgjedhor me Aleancën për Ardhmërinë e Kosovës dhe Nismën për Kosovën. Kandidat për kryeministër është kreu i AAK-së, Ramush Haradinaj.

“Besojmë se kjo është zgjidhja më e mirë dhe kërkesa e viteve të fundit. Ky vend ka nevojë që të drejtohet nga një njeri me kredibilitet dhe ne besojmë se ky njeri është Ramush Haradinaj”, tha Muharrem Nitaj, zëdhënës i AAK-së.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Përfaqësues të tre partive të dala nga UÇK konfirmuan koalicionin pak para se të skadonte afati i regjistrimit të koalicioneve për zgjedhjet e parakohshme të 11 qershorit në Kosovë.

Më herët gjatë ditës së martë, Lidhja Demokratike e Kosovës e Isa Mustafës dhe Aleanca Kosova e Re e Behgjet Pacollit u bashkuan në një koalicion parazgjedhor me kandidat Avdulla Hotin nga LDK-ja.

Që prej10 majit, kur me një mocion të nismës AAK dhe Vetëvendosjes u rrëzua qeveria Mustafa, githë skena politike në Kosovë u përmbys. Spektri politik përmban tani një koalicion të tri partive që më 10 maj bashkuan votat e deputetëve në Kuvend për t’i bashkuar tashmë edhe ato të votuesve të tyre më 11 qershor.

ME TE LEXUARAT