Idrizi shpërthen kundër marrëveshjes Rama-Basha: U bënë si Romeo e Zhuljeta
Kreu i PDIU-së, Shpëtim Idrizi i ftuar në “Arena” nga Dritan Hila në Ora News ka shpërthyer në akuza ndaj marrëveshjes Rama-Basha.
Sipas Idrizit, sot pas kaq vitesh, dy partitë e mëdha që kanë përjashtuar njëra-tjetrën, bëhen bashkë në qeveri dhe vendosin kundër koalicioneve. Ai thotë se kjo nuk ka ndodhur asnjëherë që dy palët që garojnë në zgjedhje të jenë bashkë në qeveri.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Pjesë nga biseda:
Idrizi: Rama ka të gjithë të drejtën e Zotit të realizojë ëndrrat e tij.
Hila: Kjo nuk është ëndërr demokratike të zhdukë interlekutorët.
Idrizi: Nuk besoj që është në interesin publik që parti që në 27 vjet në mënyrë ciklike kanë zëvendësuar njëra-tjetrën që sot që ka nevojë më shumë se kurrë për forca të reja politike apo për të qenë qytetarët ata që vendosin për mazhoranca dhe opozita. Imagjinoni, që në muajin e fushatës zgjedhore bëhet një qeveri e të dy palëve që janë në garë. Kjo nuk ka ndodhur dhe as nuk ka për të ndodhur. Do të hyjë në analet e historive politike si “Kay Study”.
Ne nuk jemi këtu për humorin e dikujt, apo për ëndrrat apo kërkesat e dikujt. Kjo marrëveshje ka një të mirë të madhe pasi mund ta nxirrnin vendin jashtë shinave të Kushtetutës. Gjuha e PD-së, kanabizim, kriminalizim, qeveri pa Ramën. Republika e Re dhe asnjëherë nuk e kuptova kush është përmbajtja. Mu kujtua parulla e 2005 “Mbro të ardhmen”.
Të dyja palët kishin një dëshirë antagoniste të shpëtonin shqiptarët nga njëra-tjetra, pastaj një ditë të bukur përfunduan bashkë. Dhe sot, demokracia jonë duhet të jetë shumë e gëzuar me të drejtë se do të hyjmë të gjithë në zgjedhje dhe nga ana tjetër, me vendim qeverie, sepse janë të dyja në qeveri rrëzojnë edhe Kodin Zgjedhor, nuk pranojnë që të krijohen koalicionet dhe nga krahu tjetër monopolizojnë një oligarki politike.
Idrizi: Jam kontaktuar fillimisht nga zt.Mediu për të thirrur këtë tryezë dhe i thashë nuk kam ndonjë interes. Po u mblodhët vij. I kujtoj faktin se edhe kur zt.Rama ishte në opozitë, unë jam takuar me të. Ka qenë rasti për Presidenti. Nga natyra jam i hapur që në çdo tryezë të jem prezent.
Hila: Nuk ju ka inat zt.Rama që keni qenë dikur deputet i PS-së?
Idrizi: Tani mendoj se jemi maturuar. Kam bërë 4 palë zgjedhje me PDIU-në, sa të mos ndikohem dhe të mos më bëjnë përshtypje inatet. Romeo dhe Zhulieta u bënë dy të tjerë dhe jo unë. Do të thoja që u mor një iniciativë nga zt.Duka dhe zt.Mediu.
Më ka ardhur një email për të bërë një përpjekje të fundit për të gjetur një modalitet për krizën. Zt.Basha fillimisht prezantoi gjithë rrjedhën se si kishin ardhur ngjarjet deri aty. Erdhi një përpjekje e fundit nga zv/ndihmëssekretari amerikan i Shtetit, për të cilën sipas Bashës ishte dhënë një afat 24 orë.
Në një moment te caktuar z. Rama kishte një version ndryshe dhe kishte dhënë një kundër ofertë që për herë të parë e pamë aty. Kundërpropozimi i Ramës ishte shumë më i thjeshtë ku thoshte se nuk ndryshon data e zgjedhjeve dhe disa ndryshime për policinë, dukej sikur po diskutonit për datën.
I thashë hajde të diskutojmë por mos ta çojmë në gusht. Në këtë moment reagoi z. Rama dhe tha se unë kam ardhur për ta zgjidhur këtë prandaj dua që të kem dhe një takim me z. Basha.
Dhe ne e pritëm me shumë kënaqësi, dhe nuk na bëri shumë përshtypje. Jemi ulur në një moment z. Rama, z. Vasili dhe unë për të diskutuar kush mund të ishin hapsirat. E pritëm shumë pozitivisht,madje kam bere dhe nje batutë : U futën keta të dy brenda dhe do na nxjerrin ne jashte. I kam kërkuar kryetarit të tryezës të mos largohemi. Pritem pak por meqë shkoj shumë gjatë ikëm dhe e morëm vesh nga televizori që kishte dal tym i bardhe por pa i ditur detajet.