Përplasen rëndë dy automjete në Tiranë, një i plagosur

Aktualitet

Një aksident i rëndë është raportuar në orët e para të mëngjesit të sotëm në zonën e ish – Bllokut. Sipas të dhënave, dy automjete, që po udhëtonin në kahe të kundërta me shpejtësi tej normave të lejuara, janë përplasur me njëra – tjetrën, ku si pasojë një person ka mbetur i plagosur, ndërsa një prej makinave përfundoi në trotuar.

Dëshmitarë deklaruan se 3 persona që po ecnin në trotuar fatmirësisht kanë shpëtuar pa u goditur nga automjeti BMË që doli nga rruga.

Policia po heton për të përcaktuar shkaqet e aksidentit, ku pritet përgjigja e ekspertizës auto teknike.

Burime nga grupi hetimor bëjnë me dije se, paraprakisht dyshohet se shpejtësia tej normave të lejuara dhe drejtimi i mjetit në gjendje të dehur nga njëri prej shoferëve, të kenë qenë shkaqet determinuese të aksidentit.

ME TE LEXUARAT