Momenti prekës, babai merr në krahë fëmijën e tij që vdiq sapo lindi

Soft

Ky është momenti prekës kur një baba mori në krahë për herë të parë fëmijën e tij, që fatkeqësisht kishte ndërruar jetë pa ardhur mirë në këtë botë.

Nixon Tonkin nuk mori kurrë frymë vetë pasi pësoi dëmtime në kokë gjatë operacionit të lindjes në qershor të vitit 2014 në Spitalin e Grave në Brisbane, Australi.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Nëna e tij, Simone Tonkin, u desh t’i nënshtrohej një operacioni urgjent pasi bebja që po lindte ngeci në kanalin e lindjes.

Në foto shfaqet i ati, Martin ‘Marty’ Tonkin teksa vajton fëmijën e tij të parë, që kishte ndërruar jetë pa ardhur mirë në këtë botë.

“Daily Mail” thotë se fotoja u shpërnda në Instagram nga Simone, një mikeshë e familjes, e cila e përshkruan Martyn si personin më emocional që ajo kishte takuar ndonjëherë.

Marty e mbajti i vetëm arkivolin e të birit në ceremoninë mortore. Nixon Tonkin sot do të ishte pothuajse tre vjeç dhe do të ishte vëllai i madh i Knox-it, fëmijës së dytë të familjes që mbush një vit.

Publikimi i fotove bëhet teksa vazhdojnë gjyqet dhe hetimet në lidhje me një gabim të mamive dhe mjekëve në spital, të cilët fillimisht menduan se nuk ishte i nevojshëm operacioni, ndërsa më pas një mami i dëmtoi kokën bebes teksa përpiqej ta nxirrte nga barku i nënës.

ME TE LEXUARAT