KQZ nuk regjistron deputetin e PS-së. LSI me një deputet më shumë

Kliko per me shume info

Në qarkun e Lezhës kandidati për deputet në listën e Partisë Socialiste Kastriot Piroli, që do të zëvendësonte deputetin e larguar Armando Prenga, është dorëhequr nga zgjedhja në këtë detyrë.

Ai i ka lënë vendin kandidatit të radhës në listën e Lëvizjes Socialiste për Integrim. Partia Socialiste nuk ka më përfaqësues në listën e saj në qarkun e Lezhës, ndaj mandati i Prengës do t’i kalojë subjektit LSI, grupi parlamentar i së cilës shtohet dhe me një deputet, Petrit Gjonin, duke e çuar në 19, numrin e deputetëve në Parlament.

Kliko per me shume info

Me 7 vota pro Komisioni Qendror i Zgjedhjeve vendosi “mozgjedhshmërinë si deputet në Kuvendin e Shqipërisë të kandidatit të radhës në listën shumemërore të PS-së, Qarku Lezhë, Kastriot Filip Piroli”.

Sipas vendimit të KQZ-së, dorëheqja nga kandidati Piroli vjen për shkak të kohës së shkurtër të mbetur nga përfundimi i mandatit të Kuvendit, për shkak të zgjedhjeve parlamentare të radhës dhe mosplotësimi nga ana e Pirolit të formularit të dekriminalizimit.

Në këtë mbledhje, KQZ ka miratuar edhe regjistrimin si subjekte zgjedhore të Partisë Socialiste dhe të disa partive të tjera.

Po ashtu, u paraqit raporti i auditëve Armando Teliti dhe Andi Erebara, ku shqetësim kryesor mbetet mosregjistrimi në kohë i adresave të votuesve, rënia e numrit të të regjistruarve për votim nga zgjedhjet e vitit 2013, mosnjoftimi i qendrave të votimit nga pushteti.

3 485 785 zgjedhës do të jenë në listat e votuesve më 18 qershor, ndërsa janë rreth 300 mijë pa adresë të saktë banimi.

Kliko per me shume info
SHARE

LEAVE A REPLY

Please enter your comment!
Please enter your name here