De Biasi i pergjigjet ashper akuzave te Taulant Xhakes

Sport

Është konsideruar me të drejtë skandal në kombëtaren e Shqipërisë largimi i Taulant Xhakës nga grumbullimi, pas ndeshjes me Italinë.

Se kush ka të drejtë, këtë mund të gjykojë secili me mendjen e vet, por që harmonia në përfaqësuesen kuqezi ka prekur pikën më kritike, kjo është fare e qartë tashmë. Tabloidi zviceran, “Blick”, ka folur me trajnerin Gianni De Biasi, të cilin e ka pyetur në lidhje me marrëdhënien e krisur përfundimisht mes tij dhe mesfushorit të Bazelit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Të premten, kombëtarja e shqiponjave humbi 2-0 në Palermo, kundër Italisë, dhe tani nuk ka asnjë shans për të shkuar në finalet e Kupës së Botës. Shqipëria ishte me fat, që shënjoi ndeshjen e 1000-të të Buffonit në karrierë. Taulant Xhaka qëndroi 90 minuta në stol, nuk luajti fare, por këtë fakt nuk e ka kapërdirë dot mbas ndeshjes. Ai është nisur drejt Zvicrës, duke e lënë kombëtaren, megjithëse Shqipëria do të luajë sfidën miqësore kundër Bosnje-Hercegovinës, të martën në Elbasan,” – shkruan “Blick”, që mundohet të hedhë dritë mbi atë që po ndodh, përmes një interviste me De Biazin.

Gianni De Biasi, si jeni? Jo mirë. Pse? Sepse kemi humbur në Itali dhe shanset tona për kualifikim priren drejt zeros tashmë. Çfarë ka ndodhur me Xhakën?

Pasi nuk luajti ndaj Italisë, me ka dërguar një SMS me shkrim, ku më thoshte se po kthehej te Bazeli, për t’u trajnuar atje.

Çfarë i thatë ju?

Natyrisht, i thashë se për mua nuk ka shenjtorë në ekip, nuk ka Maradona dhe Pele. Kjo do të thotë… Që të gjithë janë të barabartë. Të gjithë duhet të ndjekin udhëzimet e trajnerit.

A e kuptoni reagimin e Taulantit?

T’ju them të drejtën ky veprim, në këtë mënyrë, nuk erdhi si një e papritur për mua. Edhe në Kampionatin Europian 2016, në Francë, ka bërë një sjellje të papranueshme, për shkak se ishte thjesht një zëvendësues.

Pse nuk luajti ai ndaj Italisë?

Kjo, për shkak se kundër Italisë kisha plane të tjera taktike.

A ka Taulant Xhaka ende të ardhme në kombëtaren e Shqipërisë?

Kjo është pyetje për atë, jo për mua.

Po me Amir Abrashin, çfarë ka ndodhur?

Amir ka probleme në gju. Ne kemi bërë çdo gjë, që ai të mund të jetë gati në Palermo. Kjo nuk ishte e mjaftueshme. Nëse ka ikur nga kombëtarja tani, e ka një kuptim. Me rëndësi është që të jetë i shëndetshëm përsëri. Me të ka zero probleme.

Po me tifozët shqiptarë çfarë ndodhi? Ndeshja ishte pranë ndërprerjes përfundimtare për shkak të tyre… Unë nuk e kuptoj. Në pesë vitet e fundit, sa e drejtoj unë Shqipërinë, kurrë nuk kemi pasur problem me tifozët tanë.

ME TE LEXUARAT