“Parajsa” e bandave, fare pranë Tiranës. Ja harta e ngjarjeve të pazbardhura

Vora ka patur një aktivitet të shtuar kriminal në fushën e grabitjeve për shkak të përqëndrimit të bizneseve në këtë zonë industriale, disa grabitje ende nuk janë zbardhur, por dyshimet janë që në këtë zonë operojnë edhe grupe të tjera kriminal.

Sipari i grabitjeve nis më 17 shkurt të 2015-s, ku persona të armatosur dhe të maskuar, grabitën zyrat qendrore të një biznesi në rrugën dytësore Tiranë-Durrës. Tre muaj më vonë një makinë e shërbimit të sigurisë fizike që transportonte paratë e një qendre tregtare, grabitet po nga persona të armatosur.

Më 30 qershor 2016 çahet rrethimi i Aeroportit të Rinasit, ku autorët grabiten paratë që po transportoheshin për në avion. Më 9 shtator 2016, grabitet kasaforta e një firme ndërtimi nga persona të armatosur gjatë natës, ndërsa vetëm 3 javë më parë u grabitën paratë e një firme sheqeri në hyrje të Vorës.

Duke parë të gjitha rastet e grabitjeve, aktiviteti shtrihet në një gjatësi prej 30 kilometrash, territor i cili ndahet në juridiksionin e 2 komisariateve, atij të Kombinatit dhe Komisariatit të Vorës, i cili funksionon si i tillë prej 1 viti.

Përveç zbulimit të 2 supergrabitjeve dhe hetimeve në rrugë të drejtë për zbardhjen e grabitjes brenda Aeroportit, në një hark kohor prej 2 vjetësh, 4 grabitje të tjera të ndodhura në këtë zonë mbeten pa autor.

Burime policore thonë se nuk përjashtohet mundësia që në këto grabitje të pazbardhura të jenë të përfshirë personat e arrestuari se fundmi.

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Zbulohet leja e qarkullimit që mban firmën e Kelmend Balilit, ja detaji që bëri përshtypje (Foto)

Një leje qarkullimi që mban firmën e personit në kërkim ndërkombëtar, Kelmend ...