Ismet Beqiri: SHBA-të na thanë se ushtria nuk bëhet pa serbët

Kosovë&Rajon

Vetëm brenda pak ditëve, në Kosovë zbritën dy krerë të lartë politikë e ushtarakë të NATO-së.

Pikërisht në kohën kur diskutohej për të ardhmen e Forcës së Sigurisë së Kosovës, për vizitë zyrtare në Prishtinë erdhën sekretari i aleancës veriatlantike, Jens Stoltenberg dhe Komandanti Suprem, Curtis Scaparrotti.

Që të dy theksuan se e ardhmja e FSK-së është çështje e brendshme e Prishtinës zyrtare dhe se pavarësisht kësaj, KFOR-i, sipas tyre, do të vazhdojë të kontribuojë për stabilitetin në rajon.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Por, këto deklarata ndryshe i interpreton shefi i deputetëve të LDK-së, Ismet Beqiri, raporton KTV.

Ai insiston se nga amerikanët u është thënë troç se FSK-ja nuk mund të bëhet ushtri pa pëlqimin e serbëve dhe pa ndryshimet kushtetuese, në të kundërtën, sipas tij, rrezikohet tërheqja e KFOR-it nga Kosova.

Por, ish-komandanti i FSK-së, Kadri Kastrati, thotë se i kuptoi ndryshe mesazhet e dhëna nga krerët e lartë të NATO-së.

Gjeneral Kastrati, i cili vetë kishte përgatitur strategjinë për transformimin e FSK-së në vitin 2014, ka potencuar se ekziston plani B për të ardhmen e kësaj force.

Madje, sipas tij, ky plan duhet bazuar vetëm në nenin 128 të Kushtetutës së Kosovës.

Kuvendi i Kosovës, 3 vjet pasi dështoi të bëjë ndryshimet Kushtetuese për t’ia ndërruar misionin FSK-së, zhvilloi një debat, nga i cili nxori vetëm një rezolutë.

ME TE LEXUARAT