Zbardhen tarifat, ja sa do të na kushtojë udhëtimi në Rrugën e Kombit

Kliko per me shume info

Qytetarët që do të kalojnë në rrugën e Kombit do të paguajnë një taksë e cila nis minimalisht nga 2 euro dhe shkon maksimalisht ne 18.7 euro, pa përfshirë Tatimin mbi Vlerën e Shtuar.

Kontrata e koncesionit të rrugës Milot-Morinë e nënshkruar nga qeveria dhe konsociumi shqiptar kanë specifikuara edhe llojet e automjeteve si dhe pagesat zyrtare. Vizion Plus ka siguruar një kopje të kësaj kontrate, e cila edhe pse tashmë është efektive, nuk ka një afat konkret se kur do të nisë zbatimin.

Kliko per me shume info

Zyrtarisht pagesat, për motoçikletat do të jetë 2 euro ndërsa për automjetet 4.17 për një kalim. Tarifat rriten në varësi edhe të tonazhit të automjetit. Sipas të dhënave në kontratë, koncesionari do të vendosë mekanizmin e vjeljes se taksës në Milot.

Forma e pagesës do të jetë në euro ose lekë. Ndërsa kursi i këmbimit do të jetë ai që do të përcaktohet nga Banka Qendrore çdo fillim viti. Përjashtim nga taksat do të bëjnë rastet e urgjencës, makinat e policisë, ushtrisë, ambulancat dhe zjarrfikëset.

Në kontratë është parashikuar edhe një fond prej 120 mijë euro në vit, para të cilat do të përdoren për kompensimin e banorëve të zonës, që do të përdorin më shpesh këtë rrugë, por forma se si ata do të kompensohen mbetet për t’u specifikuar.

Kliko per me shume info
Kliko per me shume info
SHARE

LEAVE A REPLY

Please enter your comment!
Please enter your name here