PD: I dënuari për trafik droge organizon koncerte për fëmijë

Politikë

Ndonese Komisioni Qendror i Zgjedhjeve ia hoqi mandatin e kryebashkiakut, Elvis Rroshi vijon ende të qëndrojë në këtë post, madje edhe duke organizuar koncerte për fëmijë.

Të paktën ky është denoncimi që selia blu bëri përmes deputetit Eduart Halimi ndërsa bëri publike disa fletushka të shpërndarë nëpër qytet për një koncert që do të organizohet në 8 dhe 9 shkurt.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“I dënuari për trafik ndërkombëtar droge. I dënuari për përdhunim në grup, Elis Allias Edvin Rroshi shpërndan afishe dhe sot në Kavajë, se ai do të kujdeset personalisht për të organizuar Festivalin e Këngës për Fëmijë.

Këtu nuk ka ligj, këtu nuk ka Kushtetutë, këtu nuk ka legjislacion të zbatueshëm sepse nuk do një njeri, nuk do Edi Rama”.

Ky nuk është i vetmi denoncim që selia blu bën ndaj ish-kryebashkiakut të Kavajës. Pak ditë më parë kreu i opozitës pati një reagim të ashpër ndaj Rroshit pas shfaqjes së tij në krah të Ministrit të financave Ahmetaj.

Deklarata e plote:

“Shihni pak këtu, i dënuari për trafik ndërkombëtar droge. I dënuari për përdhunim në grup, Elis allias Edvin Rroshi shpërndan afishe dhe sot në Kavajë, se ai i dënuari për përdhunim të të miturve, do të kujdeset personalisht për të organizuar Festivalin e Këngës për Fëmijë.

Shiheni pra ku kemi arritur, ai person i cili nga Prokuroria u kërkua t’i hiqej mandate, KQZ kërkoi t’i hiqte mandatin, ta shkarkonte, Edi Rama duhet ta largonte një herë e mirë nga bashkia, nga partia, nga politika dhe t’i gjente vendin, por ky person është përsëri në krye të bashkisë, ai person kujdeset personalisht për të organizuar festivalin fëmijëve.

Ja ku kemi arritur. Këtu nuk ka ligj, këtu nuk ka Kushtetutë, këtu nuk ka legjislacion të zbatueshëm sepse nuk do një njeri, nuk do Edi Rama. Ndaj e vetmja zgjidhje për të gjithë qytetarët është të dalim në shesh.

E vetmja zgjidhje janë protestat, në mënyrë që krimi të ndahet një herë e mirë nga politika, në mënyrë që njerëz si ky këtu Elvis Ervin Rroshi i dënuar për përdhunim, i dënuar për trafik ndërkombëtar droge, të mos ketë më të bëjë me qytetarët dhe me postet publike.

E vetmja zgjidhje sot është të dalim të gjithë bashkë më 18 shkurt në protestë”.

ME TE LEXUARAT