“Kurir-i” serb provokon sërish: Shqiptarët janë duke u përgatitur për luftë

Kliko per me shume info

Gazeta serbe “Kurir” vazhdon të provokojë me artikujt që publikon në edicionin e saj print dhe online.

Kjo gazetë ka sot në faqe të parë lajmin me titull ““Dramatike! Shqiptarët janë duke përgatitur luftë!”.

Kliko per me shume info

Më tej në artikull shkruhet se “në Mitrovicën e Kosovës, mbretëron një gjendje alarmi për shkak të tensioneve që kanë ardhur pas dështimit të bisedimeve mes delegacioneve serbe dhe shqiptare në Bruksel dhe porosisë që vjen nga Prishtina, e cila kurrë nuk do të lejojë krijimin e Unionit të komunave serbe, si dhe rritjes së patrullave në rrugë të policisë së Kosovës”.

“Hashim Thaçi dhe Isa Mustafa troç kërkojnë nga ne që të njohim pavarësinë e Kosovës, dhe Vucic e Nikolic u përgjigjen se Serbia njeh pavarësinë e Bashkësisë së komunave serbe. Bisedimet pastaj ngecin”- shton gazeta.

“Kurir” shton se Kosova i ka bërë me dije Serbisë se nuk do të lejojë formimin e komunave serbe.

Ndërkohë pas ngecjes se bisedimeve, forca të mëdha të xhandarmërisë serbe zbarkuan në jug të Serbisë, në vijën administrative me Kosovën.

Kryeministri i Serbisë, Aleksandër Vuçiç mblodhi kryetarët e komunave me shumicë serbe të veriut të Kosovës, për t’i porositur “të rrinë të qetë dhe të besojnë në shtetin e tyre, Serbinë”.

“Paqja është interesi më i rëndësishëm i Serbisë dhe serbëve”, shprehet para gazetarëve kryeministri Vuçiç, duke i këshilluar përfaqësuesit politikë serbë, të mos i braktisin institucionet e Kosovës.

Gjithashtu, kryeministri Vuçiç u bëri thirrje serbëve të Kosovës “të mos bien pre e provokimeve, paqja është interesi ynë”- raporton “Kurir”.

Kliko per me shume info
SHARE

LEAVE A REPLY

Please enter your comment!
Please enter your name here