Krimi në Pogradec, babai: Dikush i vrau burrë e grua, nuk janë vetëvrarë
Burrë e grua Torra në Velçan të Pogradecit mund të jenë vrarë nga një person i tretë. Babai i viktimës Erzen Torra, ka ngritur dyshimet e tij para hetuesve të ngjarjes.
Avni Torra ka thënë se djali i tij Erzeni nuk është vrarë nga bashkëshortja Fatbardha e cila më pas ka pirë helm.
Sipas tij burrë e grua nuk kanë patur kurrë probleme, ndaj autorë të krimit janë persona të tjerë. Kurse Fatbardha do të jetë vetëhelmuar me bar miu pasi ka gjetur burrin e vdekur.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Familjarët i kanë kërkuar policisë të thellojë hetimet për të hedhur dritë mbi motivet e vrasjes së 26 vjeçarit.
Megjithë pretendimet e Torres, Policia e Pogradecit duket e bindur në versionin e saj që 26 vjeçari u vra me dru pas koke nga gruaja e tij.
Shkak sipas hetuesve mbetet konflikti për konsumimin e alkoolit.