Detajet/ Kamerat e sigurisë ishin të fikura, ja shuma e parave që u grabit në Rinas

Detaje të reja janë zbuluar për super-grabitjen e ndodhur një ditë më parë në aksin Qafa e Kasharit – Rinas.

Mësohet se blindat që transportonin paratë e bankës së nivelit të dytë, ndonëse ishin të modifikuara dhe jo të përshtatshme për transportimin e vlerave të tilla të valutës, kishin të vendosura kamera sigurie dhe gjurmues GPS.

Mirëpo këto të dyja janë nxjerrë jashtë funksionit pak para se të ndodhte grabitja.

Kamerat e sigurisë janë fikur, ndërsa GPS që duhet të ishte në një nga thasët me para, është gjetur në sediljen e parë të blindit që u godit nga njëra nga makinat e grabitësve.

Gjithashtu bëhet me dije se shuma e grabitur e parave është 2.7 milion Euro, e shpërndarë në shtatë thasë.

14:00 BKT sot transportoi para me të njëjtën kompani, e bllokoi Policia e Shtetit

Drejtori për Rendin dhe Sigurinë Altin Qato ka dhënë detaje për grabitjen e ndodhur një ditë më parë në rrugën e Rinasit.

Dy makinat e grabitëse u prenë rrugën blindave që transportonin paratë, duke goditur njërën prej tyre. Ata më pas nën kërcënimin e armëve kanë arritur të marrin paratë dhe janë larguar nga vendi i ngjarjes para se të arrinte policia.

Qato bën me dije se banka BKT edhe sot, pra një ditë pas grabitjes ka tentuar të transportojë para me kompaninë “Jaguar”, e cila nuk i plotëson kriteret dhe i është hequr  certefikata, por eskorta është bllokuar nga Policia e Shtetit dhe i ka kthyer përsëri në bankë.

“Sot më datën 10 shkurt 2017 me gjithë ngjarjen e ndodhur përsëri banka ka shoqëruar vlera monetare me Jaguar e cila nuk plotëson kriteret dhe i është hequr certifikata. Policia e Shtetit ka marrë masa për bllokimin e kësaj eskorte dhe kthimin përsëri në bankë”- tha Qato.

Sipas tij, nga ata e firmës private, që kryente transportin e parave janë shkelur disa rregulla.

Rregullat e shkelura nga shoqëria e sigurisë fizike:
– Mjete ishin të modifikuara dhe nuk plotësonin kriteret pavarësisht se në lejet e transportit rrugor nga Drejtoria përkatëse është shkruar mjet për transport të veçantë.

– Kamerat e sigurisë në mjet nuk ishin të instaluara.

– Njëri nga drejtuesi e mjetit nuk ka qenë i autorizuar për të lëvizur me këtë mjet.

– Nuk kanë përdorur armët ashtu siç parashikohen në ligj për raste të tilla.

– Mjetet e monitorimit nuk ishin të certifikuara.

– Të dy automjetet nuk kishin logon e shoqërisë së transportit të parave.

– Nuk është kërkuar bashkëpunimi me forcat e policisë.

Bazuar në shkeljet e konstatuara, gjatë paradites së sotme u vendos heqja e certifikatës së shoqërisë së transportit.

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Kuvendi voton dekretet për katër ministrat e rinj të Qeverisë

Kuvendi i Shqipërisë ka miratuar në seancën e kësaj të enjteje ministrat ...