Berisha befason Hysajn; Atalanta ëndërron “Champions”

Sport

Atalanta nuk është më surpriza e Serisë A. Skuadra e Etrit Berishës tregoi se jo më kot ndodhet në vendin e katërt të tabelës dhe këtë e vulosi ndaj një kundërshtari që konsiderohej shumë herë më i fortë…të paktën në letër.

Bergamaskët fituan në fushën ku janë thyer edhe më të mëdhatë e Italisë, në Napoli dhe këtë e bënë me rezultatin e pastër 0-2 dhe me sakrifica, për rreth 25 minuta pas ndëshkimit me karton të kuq të Kessie.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Caldara shënoi golin e parë në minutën e 28-të të takimit, ndërsa në të 70-n, tre minuta pas ndëshkimit të Kessie-t, gjen edhe të dytin, por heroi i vërtetë i takimit ishte Etrit Berisha, që u vlerësua nga mediat italiane si më i miri në fushë.

Përpjekjet e Hysaj & Co u neutralizuan nga Berisha dhe mbrojtja e Atalantës dhe ndeshja u mbyll me këtë rezultat. Kjo fitore e ngjit Atalantën në kuotën e 51 pikëve, tre më shumë se Interi i vendit të pestë dhe po tre më pak se Napoli i zonës Champions.

ME TE LEXUARAT