Basha: Qeveria teknike, stacioni i parë i ndryshimit të madh

Politikë

Kryetari i PD, Lulzim Basha, foli perseri diten e sotme nga çadra në bulevardin “Dëshmorët e Kombit” ku ka deklaruar sërish se, protesta do të vazhdojë derisa të sigurohen zgjedhjet e lira e të ndershme.

Basha u ka shprehur mirënjohjen e tij të rinjve të pranishëm në këtë protestë, duke i falenderuar për vendosmërinë e tyre. Më pas, Basha ka theksuar se, Shqipëria nuk do të jetë kurrë më kjo që ka qenë deri më sot.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Ajo do të ndryshojë rrënjësisht. Nuk do të lejojmë më parlament pazaresh, prapa të cilit fshihet korrupsioni. Kurrë më nuk do të pranojmë një republikë të kalbur në themele”, ka thënë Basha.

Ai ka theksuar se, qeveria teknike është vetëm “stacioni i parë” i kësaj lëvizjeje të opozitës. “Së bashku po hedhim themelet e një Shqipërie tjetër, e një republike tjetër e cila nuk do të ketë asgjë të përbashkët me republikën që do të përmbysim, republikën e korrupsionit dhe drogës, ku një grusht oligarkësh kanë shtënë në dorë gjithë pushtetin”, ka thënë Basha.

Ai ka akuzuar këtë grup oligarkësh se, “po bëhen gati të kapin zgjedhjet e ardhshme për të mbytur çdo mundësi për ndryshim dhe për të kthyer çdo qytetar të lirë në një skllav”.

“Ne jemi të vendosur për ta hedhur nga themelet këtë qeveri të kalbur e të korruptuar. Ne nuk tërhiqemi deri në fitore. Ne kemi një model europian dhe ju mos kërkoni asgjë më pak se ky model. Shqipëria që po vjen është Shqipëria juaj dhe do të jetë në duart tuaja. Asgjë nuk do të jetë më si më parë”, u ka thënë Basha të rinjve të pranishëm.

ME TE LEXUARAT