Basha: I dënuari për përdhunim kryetar i PS në Kavajë

Kliko per me shume info

Kryetari i Partisë Demokratike Lulzim Basha, akuzoi sot Edi Ramën se Elvis Rroshin, të dënuar për përdhunim në Itali dhe Zvicër, e mban si të plotfuqishëm në krye të Partisë Socialiste të Kavajës dhe de fakto në krye të bashkisë së qytetit.

“Elvis Roshi i dënuar në Itali dhe Zvicër për përdhunim dhe trafik droge, me mandat të hequr si pasojë e ligjit të dekriminalizimit, mbetet i plotfuqishmi i Edi Ramës në krye të Partisë Socialiste të Kavajës dhe de fakto në krye të bashkisë së qytetit,” tha Basha.

Kliko per me shume info

Kreu i PD, shtoi se dalja e Rroshit krah për krah me Arben Ahmetajn si drejtues i fushatës zgjedhore në Kavajë është skandal politik dhe shkatërrim i procesit të dekriminalizmit.

“Me veprimin e tij, Edi Rama e ka bërë zero përpjekjen e mundimshme të opozitës e partnerëve ndërkombëtarë dhe vullnetin e popullit për hartimin dhe zbatimin e ligjit të dekriminalizimit.”

Basha tha se kjo është një tjetër dëshmi se Edi Rama nuk ndahet dot nga krimi. “Nuk ndahet dot nga trafikantët dhe droga. Prandaj nuk e do votimin dhe numërimin elektronik. Sepse kështu nuk e ndihmon dot as ai krimin, as krimi atë. Zgjedhjet e lira janë fundi i krimit në politikë.”, tha me tej Basha.

Ai u bëri thirrje të gjithë shqiptarëve të dalin në protest me 18 Shkurt për t’i prerë rrugën krimit në politikë

Kliko per me shume info
SHARE

1 COMMENT

  1. Qe te gjithe ne nje kazane vloni dhe ti nuk je i paket milionat e rruges se kombit nuk harroen ato duhen hetuar e sekuestruar qe te gjith jeni badakcinje keni spekulluar ne kurrize te popullit dhe e keni vjedh e vrare e burgosur per hic gje,ndaj prekuroria duhet te fillon helmet dhe te sekuestroje te gjitha pasurite te luajtshme e te pa luajtshme pa perjashtime. SHQIPERI duhet pastruar nga keta plera qe lane p opullin te varfer .

LEAVE A REPLY

Please enter your comment!
Please enter your name here