Sulmohet në mënyrë vandale statuja e Lionel Messit

Kliko per me shume info

Një statujë publike e yllit argjentinas të futbollit, Lionel Messi, është sulmuar ne menyre vandale në kryeqytetin Buenos Aires.

Statuja e bronztë, e cila ishte përuruar qershorin e kaluar, ishte thyer në mes, ndërsa busti, krahët dhe koka i ishin këputur.

Kliko per me shume info

Motivi i këtij akti vandal nuk është bërë ende i ditur, por zyrtarë të Buenos Airesit thanë se kanë nisur menjëherë nga puna për riparimin e statujës.

Ajo ishte përuruar në momentin kur sulmuesi njoftoi tërheqjen nga ekipi kombëtar, një vendim që më pas e ktheu mbrapsht.

Statuja qëndronte në sheshin “Paseo de la Gloria”, ku mund të shihen edhe statujat e yjeve të tjerë të sporteve në Argjentinë, përfshi këtu tenisten Gabriela Sabatini dhe basketbollistin Manuel Ginobili.

Megjithatë, dëmtimi i statujave në këtë zonë nuk është risi, pasi edhe në të kaluarën ato janë vandalizuar nga ekstremistë apo hajdutë.

“Statuja e Lionel Messit ra viktimë e një akti vandal, që e la skulpturën e futbollistit pa gjysmën e sipërme të saj”, tha qeveria lokale e Buenos Airesit në një deklaratë. “Ne po punojmë që tani për riparimin e saj”.

Kliko per me shume info
Kliko per me shume info
SHARE

LEAVE A REPLY

Please enter your comment!
Please enter your name here