Shqiptarët “trondisin” Shkupin: Platformë shtetformuese e unifikuar

13
Kliko per me shume info

Partitë shqiptare, BDI, lëvizja Besa, Aleanca për Shqiptarët dhe PDSH shprehën së bashku me një deklaratë përkushtimin e tyre për realizimin e të drejtave kombëtare në mandatin e ardhshëm qeveritar nëpërmjet mbështetjes së ndërsjellë, në përputhje me frymën e Marrëveshjes së Ohrit dhe Kushtetutën e Maqedonisë.

Partitë shiptare pas shumë negociatash, edhe në Tiranë, tashmë janë në unison dhe japin ultimatum për kërkesat e tyre. Qartazi partitë shqiptare thonë se shtetin e formojnë së bashku dhe se shqiptarët janë faktor shtetformues. Në deklaratë thuhet se këto parti kërkojnë:

Kliko per me shume info

“Zbatim i përpiktë i parimit të multi-etnicitetit në Kushtetutë, ku shqiptarët njihen si popullësi shtetformuese. Barazi etnike. Barazi e plotë gjuhësore, përdorimi i gjuhës shqipe në të gjitha nivelet e qeverisjes dhe garantimi i përdorimit të saj si e drejtë themelore dhe kushtetuese. Kushtetuta e Republikës së Maqedonisë duhet të përcaktojë se gjuha maqedonase me alfabetin cirilik dhe gjuha shqipe me alfabetin e saj janë gjuhë zyrtare në Republikën e Maqedonisë”.

Partitë shqiptare kërkojnë gjithashtu debat gjithëpërfshirës mbi flamurin, himnin dhe stemën shtetërore të Maqedonisë në mënyrë që simbolet shtetërore të reflektojnë multi-etnicitetin shoqëror dhe barazinë etnike; mbështetje të plotë për punën e Prokurorisë Speciale, si dhe “zbardhjen e plotë e çështjeve dhe proceseve gjyqësore si “Sopoti”, “Brodeci”, “Monstra” dhe “Kumanova” nëpërmjet një komisioni hetimor, ose një trupe të pavarur ndërkombëtare.

Shqiptarët kërkojnë miratimin e një rezolute me të cilën të dënohet genocidi ndaj popullit shqiptar në Maqedoni nga viti 1912 deri në 1956. Arritje të barazisë ekonomike dhe mirëqënie shoqërore nëpërmjet zhvillimit të barabartë të rajoneve, veçanërisht vendimmarrje më të drejtë për financimin e komunave.

Gjithashtu kërkohet përfaqësim i drejtë në ushtri, shërbimet e inteligjencës dhe drejtësi. Shqiptaret kërkojnë që të jenë aktorë edhe në çështjet e Maqedonisë me fqinjët, si me Greqinë dhe Bullgarinë.


Kliko per me shume info

SHARE

1 COMMENT

  1. Shekulli i platformave Shqipetare.
    E mbaj ne mend platformen e UCK ve; Do te luftojme deri ne clirimin e trojeve tona nga Preveza e deri te molla e kuqe. E tani kemi problem me murin e Mitrovices.
    Perpilimi i platformave eshte nje ceshtje ,se cilat pika te platformave do te mund te realizohen eshte dicka tjeter.
    Sllavet jane me te afte se ne Shqiptaret prandaj edhe na mashtrojne ,me premtime boshe ,me tardheti nga me te ndrshmet e me te cuditshmet,me diplomaci ,me shkop e me karote me ne fund do te del se rezulltati i platformes do te jete si puna e xhamadanit vija vija.
    Nuk e perpiluan vete shqiptaret e Maqedonise pore u detyruan te shkojne ne nje vizite te dajet ne Tirane.
    Kjo do te thote se ende nuk jane te pjekur ,qe vete te kerkojne dhe gjejne formulen e bashkepunimit sepse ,atyre te BDI se nuk u B E S O H E T aq sa mund tju besohet bashkepunetoreve te RANKO vicit .

LEAVE A REPLY

Please enter your comment!
Please enter your name here