Serbia dorëzon kërkesën për ekstradimin e Ramush Haradinajt

46
Kliko per me shume info

Serbia kërkon ekstradimin e Ramush Haradinaj. Mësohet nga ‘Kurir’ se Ministria serbe e Drejtësisë ka dërguar kërkesën zyrtare për ekstradimin e Haradinaj në Francë.
Bashkë me të, është dërguar dhe dokumentacioni në gjuhën francezë, në bazë të të cilit sistemi francez i drejtësisë do të vendosë nëse janë përmbushur kushtet për ekstradimin e Haradinaj në Serbi.
“Gjykata e apelit e Francës vendosi se Ramush Haradinaj të mbetet në paraburgim derisa Serbia të dërgojë një kërkesë zyrtare për ekstradim”, ka shtuar më tej ‘Kurir’.

Pak më herët reagoi dhe Maja Kocijancic, zëdhënësja e përfaqësueses së Lartë të Bashkimit Europian, Frederica Mogherinit. Zëdhënësja theksoi se palët duhet t’i përmbahen një klime normalizimi, ndërsa policitë e dy shteteve duhet të bashkëpunojnë me njëra-tjetrën. Ndër të tjera ajo shtoi se Serbia dhe Kosova duhet të shkëmbejnë informacione.

Kliko per me shume info

Ndërkohë, dje Arianit Koci, avokat i ish-kryeministrit të Kosovës, Ramush Haradinaj, u shpreh se klienti i tij mund të lirohet me kusht të enjten, ditë kur edhe është caktuar të mbahet seanca gjyqësore ndaj tij. Sipas Kocit, lirimi me kusht i Haradinajt, nënkupton që ai të jetë i lirë në Francë, por jo edhe të kthehet në Kosovë, pa dhënë vendimin përfundimtar Gjykata e Apelit në Francë.
“Haradinaj, pritet që të lirohet me kusht të enjtën e kësaj jave, në ditën kur do të mbahet seanca gjyqësore ndaj tij”, ka thënë Koci.

Kliko per me shume info
SHARE

LEAVE A REPLY

Please enter your comment!
Please enter your name here