Emri/ S’pranonte ndarjen, kush është polici që përndiqte dhe dhunonte gruan
Një polic i komisariatit të Delvinës u arrestua nga Sektori i Shërbimit për Çështjet e Brendshme dhe Ankesat (SHÇBA) Gjirokastër, mbrëmjen e djeshme.
Sipas policisë mësohet se arrestimi i tij u bë mbi bazen e urdhrit te Prokurorit, për veprën penale të “Perndjekjes”, të parashikuar nga neni 121/a të Kodit Penal.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Efektivi i policisë eshte Klement Hamzaj 34 vjeç, me detyrë punonjës policie në Komisariatin e Delvinës.
Ndalimi është kryer në funksion të procedimit penal referuar nga SHÇBA-Gjirokastër, ne shtator 2016, për veprën penale të “Dhunës në familje” parashikuar nga neni 130 /a te Kodit Penal, pas kallëzimit të bërë nga bashkëshortja e tij.
Ndaj tij më parë, prokuroria kishte nisur hetimin, për këtë vepër, pas urdhërit të prokurorisë së Gjirokastrës.
Kjo e fundit kishte nisur procedimin penal pas kallëzimit që bashkëshortja e tij kishte depozituar në polici dhe më pas në SHÇBA, që në muajin shtator të vitit të kaluar, shkruan tvklan.
Në atë kohë Hamzaj dhe bashkëshortja e tij, kishin nisur procedurat e divorcit. Ndërkaq edhe gjatë kësaj kohe Hamzaj, kishte vijuar përndjekjen dhe dhunën verbale e fizike ndaj saj.
Për këtë shkak, prokuroria kishte nxjerrë edhe urdhrin e ndalimit për Hamzajn dhe më pas po ashtu është vendosur edhe masa e sigurisë në Gjykatën e Gjirokastrës.