VIDEO/ Mediat serbe: Lavdrim Muhaxheri “duke pirë kafe në Kosovë”

Gazeta “L’Espresso” në një shkrim të publikuar ditë më parë kishte shkruar se Lavdrim Muhaxheri, apo siç po quhet “Kasapi i Kaçanikut”, është rikthyer në Kosovë së bashku me rreth 300-400 anëtarë të Kalifatit Islamik.

Pas kësaj, kanë qenë edhe mediat e huaja që kanë publikuar lajme rreth prezencës së Muhaxherit në Kosovë, duke u bazuar në mediumin në fjalë.

Së fundmi, edhe mediat serbe ato që i kanë dhënë hapësirë një lajmi të tillë. Madje, mediumi serb Blic.rs, nuk është ndalur me kaq.

Sipas këtij mediumi, duke u bazuar në burimet e veta, Lavdrim Muhaxheri shëtitët lirshëm rrugëve të Kosovës – madje as nuk i shmanget shfaqjeve në publik.

Madje në një titull të këtij mediumi shkruan: “ekzekutuesi i ISIS-it duke pirë kafe në Kosovë”, shkruan “telegrafi”.

Mediumi në fjalë ka shtuar se për prezencën e Muhaxherit në Kosovë, janë njoftuar edhe autoritetet e Serbisë.

Muhaxheri, ndryshe i njohur si Abu Abdullah al Kosova, nuk është vetëm lider shqiptar i ISIS-it, por edhe një ndër figurat më publike, i njohur si rekrutues i një numri të madh të xhihadistëve të huaj.

Siç kanë raportuar mediat më herët, ai kishte shkuar në Siri në vitin 2012, dhe qysh atëherë është shfaqur në shumë video propagandistike, duke u bërë thirrje shqiptarëve t’i bashkohen xhihadit, e gjithashtu ka publikuar fotografi duke ia hequr kokën një mashkulli.

Gjithashtu ishte raportuar se ai ka publikuar edhe një video ku shihet duke e vrarë me granatahedhës një të burgosur.

Me 24 shtator të vitit 2014, Departamenti i SHBA-së e kishte kategorizuar Muhaxherin si terrorist global.

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Vizita e Vuçiç në Kosovë, ja kushti që i ka vendosur qeveria

Aleksandër Vuçiç sipas vendimit të qeverisë së Kosovës mund t’a vizitojë vendin, por ...