Kolegji Zgjedhor rrëzon deputetin Dashamir Tahiri, i heq mandatin

Kolegji Zgjedhor le ne fuqi heqjen e mandatit te Dashamir Tahirit. Vendimi u dha diten e sotme. “Njoftojmë pushimin e çështjes që i përket palëve ndërhyrëse, asaj paditëse Dashamir Tahiri dhe të paditurës KQZ, me shpalljen e moskompetencës së Kolegjit Zgjedhor dhe dërgimin e çështjes për gjykim në Gjykatën Administrative të shkallës së parë në Tiranë”.

Me këtë vendim, Kolegji Zgjedhor ka krijuar precedentin për çdo rast të ardhshëm të ankimimit lidhur me ndërprerjen e mandatit për shkak të ligjit të Dekriminalizimit, duke u shprehur se nuk është ajo kompetente për shqyrtimin e këtyre kërkesave.

LEXO EDHE:  Humbet kontrollin Saimir Tahiri: Kam 6 muaj që hesht dhe pres, por nuk duroj më dëngla!
Kliko per me shume info

Kolegji u vu në lëvizje pas kërkesës së depozituar nga Dashamir Tahiri kundër vendimit të KQZ-së, i cili i hoqi mandatin e deputetit.

Ai vetë nuk ishte i pranishëm në seancë, por me anë të avokatit të tij mbrojtës, Julian Mërtiri, paraqiti pretendimet se referuar Kodit Zgjedhor, ky kolegj e kishte kompetencën për të gjykuar këtë kërkesë.

Por përfaqësuesit e Komisionit Qendor të Zgjedhjeve e kundërshtuan këtë qëndrim, duke nënvizuar se në Kod përcaktohet qartë se kush janë subjektet që mund të vënë në lëvizje Kolegjin Zgjedhor dhe Dashamir Tahiri nuk mund ta bëjë këtë gjë.

LEXO EDHE:  Avokati i Popullit “trondit” policinë: Qëlluan me gurë protestuesit në Kukës

Edhe pse ishin të pranishëm në sallë si palë e interesuar, përfaqësuesit e Prokurorisë së Përgjithshme kërkuan që të mos legjitimoheshn si palë në këtë proces, pasi nuk kishin asnjë interes për të.

Pas dhënies së vendimit, në një komunikim me mediat, avokati i Dashamir Tahirit theksoi se beteja do të vijojë në Gjykatën Administrative. Por çfarë do ndodhë nëse gjykata vendos t’i japë të drejtë Tahirit?

LEXO EDHE:  Ndryshime të reja në policinë e shtetit, EMRAT e zyrtarëve që emërohen

“Çështja mbetet për t’u vlerësuar nga gjykata, por për ne kjo është pasojë e mungesave të ligjit. Fakti që ky ligj nuk e ka parashikuar këtë fakt duhet që ta interpretojë gjykata dhe të japë përgjigje për këtë problem”, deklaroi Julian Mërtiri.

Kliko per me shume info

LEAVE A REPLY

Please enter your comment!
Please enter your name here