Ibra: I kam bërë të hanë mbrapsht broçkullat e tyre

33
Kliko per me shume info

Transferimi i tij në Premier League është shoqëruar me skepticizmin e mediave angleze. Por Ibrahimovic, 18 gola me United, 13 nga të cilët i ka realizuar në kampionat, ka përgënjeshtruar përsëri të gjithë.

Ose për ta thënë në mënyrën e tij “i kam bërë të gjithë të hanë broçkullat e tyre”. Më pas ka shpjeguar zgjedhjen e tij: “Çdo vit një klub i Premier League më ka kontaktuar, por nuk ndihesha gati. Kam ardhur kur të gjithë mendonin se ishte e pamundur”. Këto kanë qenë fjalët e mbretit Zlatan, i cili e ka mbyllur 2016-ën me 50 gola, një më pak se Leo Messi, golashënuesi më i mirë në Europë.

Kliko per me shume info

Mbrëmjen e sotme ka ardhur edhe goli i radhës, i realizuar në fitoren 2-0 të marrë nga United kundër West Ham. Sulmuesi suedez është 35 vjeç, por nuk ka ndërmend të tërhiqet: “Ndihem mirë”, ka thënë për “Daily Mail”. “Nuk e di edhe për sa vite do të luaj akoma, por po e shijoj këtë moment”.

Shifrat i japin të drejtë. Ibrahimovic ka zbritur në fushë 18 nga 19 herë në Premier League, duke luajtur gjithmonë nga minuta e parë dhe pa u zëvendësuar kurrë. Një shtyllë e vërtetë për Mourinho-n. Po golat? Janë 13 deri tani, 18 nëse llogariten edhe kompeticionet e tjera. Për më tepër, Zlatan ka kaluar numrin e golave të shënuar nga golashënuesi më i mirë i United, i sezonit të kaluar: Martial me 12 realizime në të gjithë sezonin.

“Kam ardhur në Premier dhe të gjithë mendonin se nuk do të ishte e mundur”, ka vazhduar Ibrahimovic. “Por si gjithmonë i kam bërë të hanë mbrapsht broçkullat e tyre. Dhe ky fakt më jep shumë energji. Ata paguhen për të folur dhe për të dhen budallallëqe, ndërsa unë paguhem për të luajtur me këmbët e mira”.

Kliko per me shume info
SHARE

LEAVE A REPLY

Please enter your comment!
Please enter your name here