FIFA merr vendimin historik: Botërori me 48 finalistë

FIFA ka votuar unanimisht për të zgjeruar numrin e finalistëve të Kupës së Botës së vitit 2026 e në vazhdim.

Nëse deri më tani, këtë “status” arrinin ta fitonin vetëm 32 ekipe, presidenti i ri, Gianni Infantino, me propozimin e vet të fushatës zgjedhore, që ka hyrë në fuqi prej sot, në të ardhmen do të jenë hiç më pak se 48 ekipe. Formati i ri parashikon në fazën finale të kompeticionit më të madh botëror për kombëtaret e futbollit 16 grupe, të përbëra nga tri ekipe.

Reformën në fjalë e mbrojti me forcë, që nga emërimi i tij, presidenti i ri i FIFA-s, Gianni Infantino, megjithatë u kritikua nga disa “big” të futbollit botëror. Por, perspektiva e rritjes së ekspozimit të turneut, do të gjenerojë të ardhura shtesë dhe do t’u japë mundësinë më shumë vendeve për të qenë finalistë.

Nga zgjerimi i Kampionatit Europian, që nga ai i verës së kaluar në Francë, përfitoi edhe Shqipëria. Tashmë sytë e shqiptarëve janë nga Kupa e Botës 2026, për ta shkruar sërish historinë. E krijuar në vitin 1928 nga francezi Jules Rime, ky kompeticion ka përfshirë 13 pjesëmarrës finalist, fillimisht, për edicionin e pare, në vitin 1930. Që nga viti 1998, 32 kombëtare konkurrojnë në fazën finale të Botërorit (8 grupe me nga 4 skuadra), por ky format është i destinuar të zhduket. Pas “Rusia 2018” dhe “Katar 2022”, kjo skemë do të përfundojë dhe do të futet në fuqi formati me 48 finalistë.

Kliko per me shume info Kliko per me shume info

Leave a Reply

Your email address will not be published. Required fields are marked *

*

x

Check Also

Rekordi i Bayern, 16 fitore radhazi

Bayern Munich është ekipi i parë në historinë e Ligës se Kampionëve, ...