Basha telefonon bashkëshorten e Haradinajt: Shqipëria të kërkojë lirimin

Politikë

Kryetari i Partisë Demokratike, Lulzim Basha, ka apeluar qeverinë shqiptare dhe atë të Kosovës ti kërkojnë me forcë Francës lirimin e ish-kryeministrit kosovar Ramush Haradinaj.

Deklaratën Basha e bëri në fb, teksa bëri me dije se ka komunikuar me bashkëshorten e Haradinaj. Basha thotë se Edi Rama duhet të kuptojë se dorëzimi i tij para qeverisë serbe duhet të marrë fund.

“I bëj thirrje qeverive të Kosovës dhe të Shqipërisë t’i kërkojnë Francës lirimin e menjëhershëm dhe pa kushte të Ramush Haradinajt, dhe të ndërpresin çdo lloj angazhimi me Beogradin deri në tërheqjen e të gjitha urdhërarresteve ndërkombëtarë të Serbise ndaj pjesëtarëve të Ushtrisë Çlirimtare të Kosovës dhe qytetarëve të Kosovës që luftuan kundër regjimit vrasës të Milosheviçit.Ndersa Rama duhet të kuptojë më në fund se dorezimi i tij para qeverisë serbe pa kushte dhe pa asnjë dobi për shqiptarët duhet të marrë fund”, theksoi kreu i PD.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Sonte në mbrëmje bisedova me Anita Haradinajn, bashkeshorten e Ramushit. I shpreha shqetësimin dhe revoltën time për këtë goditje tjetër të pabesë serbe ndaj heroit të Kosovës dhe mbështetjen time të plotë personale dhe politike. Jam i bindur se sot të gjithë shqiptarët janë me Ramush Haradinajn, pavarësisht bindjeve politike dhe përkatësive partiake.Anita më tha se Ramushi është plot kurajo, dhe mbi të gjitha me besim se asgjë nuk mund të frenojë përparimin e Kosovës”, thekson me tej Basha.

ME TE LEXUARAT